Mætti með eggvopn á skemmti­stað

Þetta kemur fram í dagbók lögreglu. Þar segir að óskað hafi verið eftir aðstoð lögreglu vegna manns sem hafði eggvopn innanklæða. Maðurinn var á skemmtistað í miðborginni. Hann hefur verið kærður fyrir vopnalagabrot.

Tilkynning barst lögreglu sem hefur aðsetur á Dalveginum um slagsmál sem áttu sér stað við tvo verslunarkjarna. Báðir aðilar voru handteknir og vistaðir í fangaklefa í þágu rannsóknar málsins. Önnur tilkynning barst um líkamsárás en allir voru farnir af vettvangi þegar lögreglan mætti á staðinn.

Í umdæmi lögreglunnar við Vínlandsleið var einn handtekinn fyrir brot á áfengis- og vopnalögum. Málið er í rannsókn.