Ekitike með tvö á tveimur og lang­þráður sigur Liverpool

Eftir fimm deildarleiki í röð án sigurs vann Liverpool Newcastle United, 3-1, í lokaleik dagsins í ensku úrvalsdeildinni. Tvö mörk frá Hugo Ekitike á jafn mörgum mínútum sneru leiknum Liverpool í vil.

Með sigrinum komst Liverpool upp í 5. sæti deildarinnar. Newcastle, sem hefur tapað tveimur leikjum í röð, er í 10. sætinu.

Harvey Barnes var nálægt því að koma Newcastle yfir á 26. mínútu en skot hans small í stönginni.

Tíu mínútum síðar kom Anthony Gordon gestunum yfir með góðu skoti í fjærhornið. Skömmu síðar átti Gordon annað skot en Alisson varði.

Á 41. mínútu jafnaði Ekitike metin með skoti af stuttu færi eftir sendingu frá Florian Wirtz. Frakkinn var svo aftur á ferðinni á 43. mínútu þegar hann skoraði með skemmtilegu skoti með tánni.

Ekitike fékk upplagt færi til að skora sitt þriðja mark í upphafi seinni hálfleiks en skaut langt framhjá.

Á 67. mínútu jók Wirtz muninn í 3-1 þegar hann skoraði eftir samspil við Mohamed Salah.

Newcastle ógnaði lítið sem ekkert í seinni hálfleik og Liverpool átti ekki í miklum vandræðum með að verjast.

Ibrahima Konaté sneri aftur í byrjunarlið Liverpool í kvöld eftir að hafa verið í leyfi eftir að hann misst föður sinn. Franski landsliðsmaðurinn skoraði fjórða mark Liverpool í uppbótartíma eftir slæm mistök Nicks Pope, markvarðar Newcastle. Lokatölur 4-1, Liverpool í vil.