Helsta klappstýran sögð slegin yfir sálarástandi Trumps Kjartan Kjartansson skrifar 28. janúar 2026 13:42 Mynd sem slóvakíska stjórnarrráðið birti af Robert Fico, forsætisráðherra, (t.v.) með Donald Trump Bandaríkjaforseta (t.h.) í Mar-a-Lago í síðustu viku. Stjórnarráð Slóvakíu Forsætisráðherra Slóvakía og ein helsta klappstýra Donalds Trump í Evrópu er sagður hafa verið sleginn yfir því hvernig bandaríski forsetinn talaði til hans og sálarástandi hans á dögunum. Trump hafi virst „hættulegur“. Ráðherrann hafnar fréttum af meintum ummælum hans. Robert Fico, forsætisráðherra Slóvakíu, fundaði með Trump í Mar-a-Lago á Flórída 17. janúar. Fimm dögum síðar sagði Fico evrópskum kollegum sínum að hann hefði áhyggjur af „andlegu ástandi“ Bandaríkjaforseta vegna þess hvernig hann talaði. Dagblaðið Politico hefur þetta eftir erindrekum fimm Evrópuríkja sem voru upplýstir um samtal Fico við kollega sína þegar leiðtogaráð ESB kom saman til óformlegs neyðarfundar til að ræða ásælni Bandaríkjanna í Grænland 22. janúar. Fico er sagður hafa notað orðið „hættulegur“ um hvernig Trump kom fyrir á fundi þeirra á Flórída. Hann er sagður hafa lýst því þannig að Trump væri „viti sínu fjær“. Hafnar fréttinni alfarið Engum sögum fer af því hvað Trump á að hafa sagt við slóvakíska leiðtogann nákvæmlega sem skaut honum skelk í bringu. Talsmenn Fico svöruðu ekki fyrirspurnum Politico um það sem er haft eftir honum um Trump. Fico fordæmdi hins vegar fréttaflutning blaðsins í færslu á samfélagsmiðlum í morgun. „Ég hafna alfarið haturslygum frjálslyndu málpípu Brussel Politico,“ segir í færslunni. Fullyrðir Fico að enginn hafi heyrt eða orðið vitni að neinu sem hann sagði um bandaríska forsetann. Hann hafi alls ekki rætt óformlega við neina „forsætisráðherra eða forseta“ um fund sinn með Trump á neyðarfundinum í Brussel. Talsmaður Hvíta hússins sagði fregnirnar uppspuna evrópskra embættismanna. Fundur Trump og Fico hefði verið jákvæður og uppbyggilegur. Ein helsta klappstýran í Evrópu Ætluð ummæli Fico um Trump vekja ekki síst athygli vegna þess að slóvakíski forsætisráðherran hefur verið ein helsta klappstýra Bandaríkjaforseta í Evrópu. Hann hefur meðal annars stutt nálgun Bandaríkjastjórnar á stríðið í Úkraínu og tekið undir gagnrýni Trump á Evrópu. Evrópskir leiðtogar eru sagðir hafa vaxandi áhyggjur af heilsu Trump og ófyrirsjáanlegri hegðun hans, ekki síst vegna ásælni hans í Grænland. Trump hefur ítrekað ýjað að því að hann gæti beitt vopnavaldi til þess að hrifsa Grænland af Dönum þótt hann hefði sagt fundargestum í Davos í síðustu viku að hann ætlaði sér ekki að láta verða af þeim hótunum. Virtist gleyma hvað Alzheimers héti Trump hafnaði því sjálfur í viðtali í vikunni að hann þjáðist af nokkurs konar elli- eða vitglöpum. Hann virtist þó gleyma hvað Alzheimerssjúkdómurinn héti þegar hann neitaði því að hann væri haldinn honum. Í sömu ræðu í Davos virtist Trump ítrekað ruglast á Íslandi og Grænlandi. Honum hefur einnig orðið tíðrætt um að lækka verð á lyfjum í Bandaríkjunum um mörg hundruð prósent, það er að segja langt umfram heildarsöluverð þeirra. Allt þetta ásamt, mari á báðum höndum sem forsetinn hefur reynt að hylja með einhvers konar farða, hefur gefið vangaveltum um hnignandi heilsu forsetans, sem er 79 ára gamall, byr undir báða vængi. Bandaríkin Donald Trump Slóvakía Evrópusambandið Mest lesið Umferðarteppa á Hellisheiði vegna umferðaróhapps Innlent „Þetta er algjörlega óafsakanlegt hjá einu af ríkustu löndum í heimi“ Innlent Þrjú kynferðisbrot á tónleikasvæðinu til rannsóknar Innlent Búið að opna Holtavörðuheiði aftur Innlent Mælirinn segir 33 gráður Innlent „Þetta mál er náttúrulega bara einn harmleikur“ Innlent Sektuðu í grennd við Símamótið Innlent Gular viðvaranir og allt að tuttugu og sjö stig Veður „Við erum að svara kalli tímans“ Innlent „Af og frá“ að Ísland framselji löggjafarvaldið með inngöngu Innlent Fleiri fréttir Tveir látnir eftir að tveir hófu skothríð Maður í haldi grunaður um að hafa myrt fyrrverandi ráðherra Íran og Bandaríkin skiptast á árásum Lindsey Graham er látinn Var látin í sólarhring áður en hún fannst Fjórir í haldi eftir árás á blaðamenn á Vesturbakkanum Tuttugu og þriggja enn saknað eftir mannskæða gróðurelda Félag Kushner hafi fengið landið vegna falsaðra afsala Dermot Murnaghan er látinn Manninum sleppt úr haldi Minnst sextíu látin í árásum Rússa í júlímánuði Herinn sé reiðubúinn að tortíma Íran verði Trump ráðinn af dögum Handtekinn grunaður um morðið á fyrrverandi ráðherra Geta fengið sekt vegna ávanabindandi hönnunar Rannsaka andlát fyrrverandi ráðherra sem morð Heimsins frægasti refill fluttur til Bretlands Lést er hún fagnaði sigri Frakka Le Pen hvergi af baki dottin og stefnir ótrauð á forsetahöllina Hefur svo gott sem tryggt sér forsætisráðherrastólinn Tólf látnir í skógareldum í suðurhluta Spánar Robinson hafi lýst eftirsjá Þúsundir fylgja æðstaklerkinum til grafar í skugga árása Þurfti að lenda flugvél eftir að kennarinn stökk út og hrapaði til bana Orkuskortur í kjölfar árása: Stjórnvöld í Rússlandi banna útflutning á dísilolíu Árásir á báða bóga og umferð um sundið dregst saman Kornabarn reyndist á lífi í líkhúsi „Ef það gerist aftur mun þetta versna til muna!“ Boðar fleiri árásir Trump fer hamförum í Ankara: Búinn að fá nóg af Írönum, sparkar í Nató og vill hætta öllum viðskiptum við Spán Tólf Evrópuríki sögð ætla að smíða nýja langdræga eldflaug Sjá meira
Robert Fico, forsætisráðherra Slóvakíu, fundaði með Trump í Mar-a-Lago á Flórída 17. janúar. Fimm dögum síðar sagði Fico evrópskum kollegum sínum að hann hefði áhyggjur af „andlegu ástandi“ Bandaríkjaforseta vegna þess hvernig hann talaði. Dagblaðið Politico hefur þetta eftir erindrekum fimm Evrópuríkja sem voru upplýstir um samtal Fico við kollega sína þegar leiðtogaráð ESB kom saman til óformlegs neyðarfundar til að ræða ásælni Bandaríkjanna í Grænland 22. janúar. Fico er sagður hafa notað orðið „hættulegur“ um hvernig Trump kom fyrir á fundi þeirra á Flórída. Hann er sagður hafa lýst því þannig að Trump væri „viti sínu fjær“. Hafnar fréttinni alfarið Engum sögum fer af því hvað Trump á að hafa sagt við slóvakíska leiðtogann nákvæmlega sem skaut honum skelk í bringu. Talsmenn Fico svöruðu ekki fyrirspurnum Politico um það sem er haft eftir honum um Trump. Fico fordæmdi hins vegar fréttaflutning blaðsins í færslu á samfélagsmiðlum í morgun. „Ég hafna alfarið haturslygum frjálslyndu málpípu Brussel Politico,“ segir í færslunni. Fullyrðir Fico að enginn hafi heyrt eða orðið vitni að neinu sem hann sagði um bandaríska forsetann. Hann hafi alls ekki rætt óformlega við neina „forsætisráðherra eða forseta“ um fund sinn með Trump á neyðarfundinum í Brussel. Talsmaður Hvíta hússins sagði fregnirnar uppspuna evrópskra embættismanna. Fundur Trump og Fico hefði verið jákvæður og uppbyggilegur. Ein helsta klappstýran í Evrópu Ætluð ummæli Fico um Trump vekja ekki síst athygli vegna þess að slóvakíski forsætisráðherran hefur verið ein helsta klappstýra Bandaríkjaforseta í Evrópu. Hann hefur meðal annars stutt nálgun Bandaríkjastjórnar á stríðið í Úkraínu og tekið undir gagnrýni Trump á Evrópu. Evrópskir leiðtogar eru sagðir hafa vaxandi áhyggjur af heilsu Trump og ófyrirsjáanlegri hegðun hans, ekki síst vegna ásælni hans í Grænland. Trump hefur ítrekað ýjað að því að hann gæti beitt vopnavaldi til þess að hrifsa Grænland af Dönum þótt hann hefði sagt fundargestum í Davos í síðustu viku að hann ætlaði sér ekki að láta verða af þeim hótunum. Virtist gleyma hvað Alzheimers héti Trump hafnaði því sjálfur í viðtali í vikunni að hann þjáðist af nokkurs konar elli- eða vitglöpum. Hann virtist þó gleyma hvað Alzheimerssjúkdómurinn héti þegar hann neitaði því að hann væri haldinn honum. Í sömu ræðu í Davos virtist Trump ítrekað ruglast á Íslandi og Grænlandi. Honum hefur einnig orðið tíðrætt um að lækka verð á lyfjum í Bandaríkjunum um mörg hundruð prósent, það er að segja langt umfram heildarsöluverð þeirra. Allt þetta ásamt, mari á báðum höndum sem forsetinn hefur reynt að hylja með einhvers konar farða, hefur gefið vangaveltum um hnignandi heilsu forsetans, sem er 79 ára gamall, byr undir báða vængi.
Bandaríkin Donald Trump Slóvakía Evrópusambandið Mest lesið Umferðarteppa á Hellisheiði vegna umferðaróhapps Innlent „Þetta er algjörlega óafsakanlegt hjá einu af ríkustu löndum í heimi“ Innlent Þrjú kynferðisbrot á tónleikasvæðinu til rannsóknar Innlent Búið að opna Holtavörðuheiði aftur Innlent Mælirinn segir 33 gráður Innlent „Þetta mál er náttúrulega bara einn harmleikur“ Innlent Sektuðu í grennd við Símamótið Innlent Gular viðvaranir og allt að tuttugu og sjö stig Veður „Við erum að svara kalli tímans“ Innlent „Af og frá“ að Ísland framselji löggjafarvaldið með inngöngu Innlent Fleiri fréttir Tveir látnir eftir að tveir hófu skothríð Maður í haldi grunaður um að hafa myrt fyrrverandi ráðherra Íran og Bandaríkin skiptast á árásum Lindsey Graham er látinn Var látin í sólarhring áður en hún fannst Fjórir í haldi eftir árás á blaðamenn á Vesturbakkanum Tuttugu og þriggja enn saknað eftir mannskæða gróðurelda Félag Kushner hafi fengið landið vegna falsaðra afsala Dermot Murnaghan er látinn Manninum sleppt úr haldi Minnst sextíu látin í árásum Rússa í júlímánuði Herinn sé reiðubúinn að tortíma Íran verði Trump ráðinn af dögum Handtekinn grunaður um morðið á fyrrverandi ráðherra Geta fengið sekt vegna ávanabindandi hönnunar Rannsaka andlát fyrrverandi ráðherra sem morð Heimsins frægasti refill fluttur til Bretlands Lést er hún fagnaði sigri Frakka Le Pen hvergi af baki dottin og stefnir ótrauð á forsetahöllina Hefur svo gott sem tryggt sér forsætisráðherrastólinn Tólf látnir í skógareldum í suðurhluta Spánar Robinson hafi lýst eftirsjá Þúsundir fylgja æðstaklerkinum til grafar í skugga árása Þurfti að lenda flugvél eftir að kennarinn stökk út og hrapaði til bana Orkuskortur í kjölfar árása: Stjórnvöld í Rússlandi banna útflutning á dísilolíu Árásir á báða bóga og umferð um sundið dregst saman Kornabarn reyndist á lífi í líkhúsi „Ef það gerist aftur mun þetta versna til muna!“ Boðar fleiri árásir Trump fer hamförum í Ankara: Búinn að fá nóg af Írönum, sparkar í Nató og vill hætta öllum viðskiptum við Spán Tólf Evrópuríki sögð ætla að smíða nýja langdræga eldflaug Sjá meira
Trump fer hamförum í Ankara: Búinn að fá nóg af Írönum, sparkar í Nató og vill hætta öllum viðskiptum við Spán
Fram
Þór
