Sérsveitaraðgerð á Sel­fossi

Þetta segir Jón Gunnar Þórhallsson, aðalvarðstjóri lögreglunnar á Selfossi, í samtali við fréttastofu.

„Það eru aðgerðir í gangi, og sérsveitin er að störfum. Ég get ekki sagt meira á þessu stigi máls,“ segir Jón.

Samkvæmt heimildum fréttastofu sáust þrír sérsveitarbílar bruna austur Hellisheiðina klukkan hálf sex í kvöld.

Uppfært 20:38

Samkvæmt upplýsingum frá íbúa á Selfossi er sérsveitin að störfum í heimahúsi.

Vegatálmar eru við götuna og engum hleypt inn. Um sé að ræða sama hús og þar sem sérsveitin réðst í sambærilega aðgerð í síðasta mánuði.