Jóla­gleði í Garðinum

Fimm leikir fara fram í NBA-deildinni á jóladag og verða langt fram eftir nóttu. Cleveland Cavaliers var í heimsókn hjá New York Knickerbockers í fyrsta leiknum sem hófst á hádegi að staðartíma.

Þar voru að mætast tveir af stigahæstu leikmönnum deildarinnar; Jalen Brunson í Knicks og Donovan Mitchell í Cavaliers.

Gestirnir frá Cleveland byrjuðu betyr og röðuðu svoleiðis inn stigum í fyrsta leikhlutanum. Staðan að honum loknum var 38-23 fyrir Cavaliers.

Heimamenn svöruðu hins vegar fyrir sig og leiddu þegar hálfleiksflautið gall, staðan 60-58 fyrir Knicks.

Gestirnir voru með frumkvæðið í seinni hálfleik og náðu 17 stiga forystu snemma í fjórða leikhluta, 103-86

Knicks komust hins vegar á siglingu og söxuðu jafnt og þétt á forskotið með Brunson fremstan í flokki. Þeir reyndust sterkari á lokakaflanum og unnu frækinn 126-124 endurkomusigur.

Brunson hafði því betur gegn Mitchell en stigakeppni þeirra lauk með jafntefli. Báðir skoruðu 34 stig fyrir sitt lið í kvöld en Knicks unnu góðan heimasigur og New York-búar fóru glaðir heim í jólaboðin.