Innlent

Ná­granni brást hratt við og stöðvaði út­breiðslu eldsins

Rafn Ágúst Ragnarsson skrifar
Eldurinn kom upp í íbúð á fyrstu hæð fjölbýlishúss.
Eldurinn kom upp í íbúð á fyrstu hæð fjölbýlishúss. Vísir/Vilhelm

Slökkviliðið á höfuðborgarsvæðinu var kallað út snemma í morgun vegna elds sem upp hafði komið í íbúð á fyrstu hæð fjölbýlishúss í Seljahverfi í Breiðholti.

Björn Ingi Guðjónsson, aðstoðarvarðstjóri hjá slökkviliðinu, segir nágranna hafa brugðist skjótt við og slökkviliðsmenn komu að honum með slökkvitæki í höndinni og hafði honum tekist að slökkva eldinn að mestu. 

Slökkviliðsmenn slökktu svo í glæðum og reykræstu íbúðina.

Tveir voru fluttir á bráðamóttöku til skoðunar vegna eldsins en þeir eru ekki alvarlega slasaðir að sögn Björns. Eldsupptök eru ókunn og eru til rannsóknar hjá lögreglu.

Slökkvilið Reykjavík

Mest lesið


Fleiri fréttir

Sjá meira


×

Mest lesið