Sýn fær flýtimeðferð

Í tilkynningu Sýnar til Kauphallar segir að með því hafi mikilvægum áfanga verið náð.

Málið lúti að kröfu Sýnar um ógildingu ákvörðunar Fjarskiptastofu sem varðar flutningsréttarkröfu Símans á áskriftarstöðvum Sýnar. Sýn fagni því að dómurinn hafi orðið við beiðni um flýtimeðferð, enda sé um verulega hagsmuni að ræða fyrir viðskiptavini og rekstur félagsins.

„Samþykki flýtimeðferðar er mikilvægur áfangi. Við teljum brýnt að fá skjóta efnislega niðurstöðu dómstóla í þessu mikilvæga máli, sem verður fordæmisgefandi um hvort markaðsráðandi keppinautur geti tryggt sér þvingaðan aðgang að mikilvægum réttindum á grundvelli fjölmiðlalaga,“ er haft eftir Herdísi Dröfn Fjeldsted, forstjóra Sýnar.