Hnetukjúklingurinn hennar Höllu

Hjá Höllu hefur verið rekinn í Grindavík frá árinu 2016 og áherslan lögð á heimilislegan og hollan mat. Um leið hefur verið reynt að svara kalli viðskiptavinarins. Halla fór í útrás árið 2018 og opnaði Hjá Höllu á Keflavíkurflugvelli sem notið hefur mikilla vinsælda.

Hnetukjúklingur- uppskrift fyrir fjóra

• Einn bakki úrbeinuð kjúklingalæri
• 4 msk ólífuolía
• Karrý eftir smekk
• Sjávarsalt

Blandið saman og marinerið á meðan restin af réttinum er undirbúin.

Hnestusósa

Hrærið saman:

• 4 stk hvítlauksgeirar saxaðir
• 5 cm saxað engifer
• 1/2 dós kókosmjólk
• 1 msk sojasósa
• 1 msk sesamolía
• 1 góð matskeið hnetusmjör
• 1/2 msk sriracha sósa
• 1 msk hrísgrjónaedik
• 1 msk púðursykur

Hrærið saman.

Aðferð:

1. Kjúklingurinn er léttsteiktur á pönnu eða grilli.
2. Settur í eldfast mót og sósan fer yfir.
3. Raspið lime börk ofan á og setjið í ofn á 180 gráður í 20 mín.
4. Toppað með kóríander, vorlauk og chili.

Pikklaður rauðlaukur:

Sjóðið saman 1 dl af ediki, 1 dl af vatni og 1 dl af hrásykri og hellið yfir 4 stk. af sneiddum rauðlauk.

Rauðkálssalat:

Sneiðið í fína strimla 1/2 haus rauðkál, setjið lime safa yfir, smá sjávarsalt, kóríander( ef þið elskið) og 1-2 msk af ólífuolíu.

Mælt er með því að bera kjúklinginn fram með hrísgrjónum, pikkluðum rauðlauk og rauðkálssalati.

Rætt var við Höllu í Íslandi í dag árið 2021 þegar gaus í Fagradalsfjalli.