Emilíana Torrini fann ástina

Emilíana og Ellert ferðuðust um landið í sumar í góðra vina hópi. Þar á meðal fóru þau á Borgarfjörð Eystri, þar sem Emilíana kom fram á tónlistarhátíðinni Bræðslunni ásamt hljómsveit sinni.

„Ég spilaði á Bræðslunni í afskekktu þorpi á Austurlandi, Borgarfirði Eystri. Þetta er þar sem ég ólst upp með ömmu minni á sumrin, og er mín sanna gleði. Ég og maðurinn minn tókum hljómsveitina mína og nokkra góða vini með okkur í nokkurra daga ferð austur. Orð ná ekki að lýsa fegurðinni, hlátrinum og töfrandi upplifun ferðarinnar. Veðurspáin var hræðileg en það virist sem við vorum að ferðast í sólarbúbblu,“ skrifaði Emilíana og birti myndir frá ferðalaginu á Instagram-síðu sinni.

Emilíana hefur ferðast víða á sínum ferli en heldur alltaf sterkri tengingu við Ísland og er búsett hér. Hún er hálf íslensk og hálf ítölsk, alin upp á Íslandi en eyddi sumrum í æsku í Þýskalandi og á Ítalíu.

Emilíana hefur í mörg ár verið ein af allra vinsælustu söngkonum þjóðarinnar og hefur einnig náð langt í sínu fagi erlendis, auk þess að semja lög fyrir myndir á borð við Lord of the Rings og þættina Grey’s Anatomy.

Leiðir Emilíönu og fyrrverandi eiginmanns hennar Rowan Patrick Robinson Cain skildu í lok síðasta árs eftir fimm ára hjónaband.