Frí­höfnin endurhönnuð í anda ís­lenskrar náttúru

„Í miðju verslannna verða staðsettir þriggja metra háir skúlptúrar, um 200 kg að þyngd, sem minna á ísjaka í jökullóni í umgjörð sem tekur mið af öðrum sérkennum íslenskrar náttúru. Skúlptúrinn er hannaður í samstarfi við Basalt arkitekta og framleiddur með 3D-prenttækni og er alfarið úr endurunnu plasti,“ segir í tilkynningunni.

Hanna Tryggvadóttir, framkvæmdastjóri vörusviðs, segir að íslenskum vörum verði gert sérstaklega hátt undir höfði.

Endurhönnunin fer fram í áföngum næstu mánuði en framkvæmdir hefjast í komuverslun þann 18. ágúst næstkomandi og viku síðar í brottfararverslun. Allar vörur og þjónusta verða áfram í boði en stefnt er að framkvæmdalokum í júní 2026.