Gömul Boston Celtics stjarna semur við Los Angeles Lakers

Smart fær ellefu milljónir dollara fyrir tvö ár með Lakers eða 1,3 milljarða í íslenskum krónum.

Samkvæmt heimildum ESPN þá hafði Luka Doncic samband við Smart og til að það væri á hreinu að hann vildi spila með honum.

Smart var valin besti varnarmaðurinn í NBA deildinni árið 2022 og hefur oft verið valinn í varnarlið ársins.

Hann hefur leikið stærsta hluta ferils síns með Boston Celtics og fór níu sinnum með liðinu í úrslitakeppnina.

Honum var skipt frá Boston og hefur undanfarin tímabil spilað með Memphis Grizzlies og Washington Wizards. Smart hefur verið mikið meiddur á þessum tímabilum og hefur aðeins náð að spila 54 leiki samanlagt á þeim.

Lakers var ekki eina félagið sem hafði áhuga því Phoenix Suns og Milwaukee Bucks voru á eftir honum líka.

Eftir að Lakers missti Dorian Finney-Smith var félagið á eftir öflugum varnarbakverði sem það hefur nú fundið í honum orkumikla Marcus Smart.