Sjáðu ó­trú­legt mark Tryggva frá miðju

Flora-liðið hafði pressað töluvert á Valsmenn í fyrri hálfleik og var líklegra til að koma inn marki. Misheppnuð sending þeirra, beint í lappir Tryggva þótti þó ekki ógna mikið.

Tryggvi var fljótur að hugsa, sneri með boltann og lét vaða fyrir aftan miðju, af um 60 metra færi og boltinn söng í netinu.

Valur vann fyrri leikinn 3-0 á Hlíðarenda og leiðir einvígið því 4-0 eftir mark Tryggva.

Beina textalýsingu frá leiknum má nálgast hér.

Leikurinn er í beinni útsendingu á Sýn Sport.

Markið má sjá í lýsingu Kristins Kjærnested í spilaranum.