Var uppi í áhorfendastúku þegar nafn hans var kallað upp í nýliðavali NBA

Strákurinn var þó ekki í græna herberginu með öllum vonarstjórnunum sem NBA deildin bjóst við að færu snemma í valinu.

Memphis Grizzlies valdi Hansen Yang númer sextán en skipti honum seinna til Portland Trail Blazers þar sem hann mun að öllum líkindum byrja NBA feril sinn.

Yang er tvítugur og 218 sentímetra miðherji. Hann hefur spilað með Qingdao Eagles í kínversku deildinni í tvö tímabil. Það bjuggust samt fáir við að heyra nafn hans þegar fyrsta umferð nýliðavalsins fór fram.

Yang var kominn til Bandaríkjanna og var meðal áhorfenda í Barclays Center í New York. Hann var samt ekki viss um að heyra nafnið sitt og sat því meðal áhorfenda.

Það vakti því athygli þegar nafnið hans var kallað að hann stóð upp í áhorfendastúkunni og fagnaði.

Hann er auðvitað 218 sentímetrar á hæð og því voru myndavélarnar fljótar að finna hann í stúkunni.

Margir eru spenntir fyrir Hansen Yang og hann hefur verið kallaður hinn kínverski Jokic. Í kínversku deildinni var hann með 16,6 stig, 10,5 fráköst, 3,0 stoðsendingar og 2,6 varin skot að meðaltali í leik.