Innlent

Tveir ferða­menn fundust látnir á Edition

Agnar Már Másson skrifar
Lögreglan á höfuðborgarsvæðinu sendi í morgun frá sér fréttatilkynningu þar sem fram kom að lögregla hefði verið kölluð að hóteli í miðborginni á áttunda tímanum í morgun vegna „alvarlegs atviks“.
Lögreglan á höfuðborgarsvæðinu sendi í morgun frá sér fréttatilkynningu þar sem fram kom að lögregla hefði verið kölluð að hóteli í miðborginni á áttunda tímanum í morgun vegna „alvarlegs atviks“. Vísir/Viktor Freyr

Tveir erlendir ferðamenn fundust látnir á Edition-hóteli í miðborg Reykjavíkur í morgun. Þriðji ferðamaðurinn var færður undir læknishendur.

„Tveir erlendir ferðamenn fundust látnir á hóteli í miðborginni á áttunda tímanum í morgun. Þriðji aðilinn, einnig erlendur ferðamaður, var enn fremur á vettvangi og var sá með áverka. Viðkomandi var færður undir læknishendur,“ segir í tilkynningu lögreglu.

Sérsveitarmenn, fjórir sjúkraflutningabílar og dælubíll voru kölluð út að Edition-hótelinu á áttunda tímanum, eins og Vísir greindi frá í morgun.

„Tilkynning um málið barst lögreglu kl. 7.14 en málsatvik eru um margt óljós enda rannsókn þess á frumstigi,“ segir enn fremur í tilkynningunni.

Lögreglumaður fyrir utan herbergi á 4. hæð á Edition hóteli.

Lögreglan hefur lítið viljað tjá sig um málið fyrir utan það sem komið hefur fram í tilkynningum. Blaðamanni og ljósmyndara fréttastofu var vísað frá bílakjallara hússins þegar þær mættu vettvang í dag. Edition hefur ekki orðið við beiðni fréttastofu um viðbrögð vegna málsins.

Veistu meira um málið? Sendu okkur ábendingu á ritstjorn@visir.is. Fullum trúnaði er heitið.

Lögreglumál Hótel á Íslandi Reykjavík Manndráp á Reykjavík Edition

Mest lesið


Fleiri fréttir

Sjá meira


×

Mest lesið