Ingvi Steinn frá Arion til Defend Iceland

Í tilkynningu segir að hann muni leiða stefnumótun og þróun netöryggislausna fyrirtækisins og gegna lykilhlutverki í að einfalda verklag við veikleikastjórnun og styðja við uppbyggingu stafræna varna viðskiptavina. 

„Ingvi er með BSc gráðu í hátækniverkfræði frá Háskólanum í Reykjavík og hefur yfir áratugar reynslu af tækni- og hugbúnaðarþróun innan fjármála-, trygginga- og nýsköpunargeirans. Hann kemur til Defend Iceland frá Arion banka þar sem hann starfaði sem tæknilegur vörustjóri og stýrði þróun og rekstri tryggingalausna hjá dótturfélaginu Vörður. Þar áður gegndi hann hlutverki vörustjóra hjá Valitor/Rapyd og leiddi þar þróun onboarding lausna og alþjóðlegra API tenginga. 

Ingvi hefur einnig reynslu sem CTO hjá nýsköpunarfyrirtækinu Kúla 3D og sem sérfræðingur í gagnagreiningu og myndvinnslu hjá Spectralis. Hann hefur unnið í bæði smáum sprotafyrirtækjum og stórum alþjóðlegum umhverfum og býr yfir djúpri þekkingu á bæði tæknilegum og skipulagslegum þáttum vöruþróunar,“ segir í tilkynningunni.