Troð­fylltu Laugar­dals­höll á umtöluðum tón­leikum FM95Blö

FM95Blö var fyrstu árin sendur út fimm sinnum í viku en nú er hann á dagskrá alla föstudaga klukkan 16:00 á FM957 og er meðal vinsælustu útvarpsþátta landsins.

Fjölmargir listamenn komu fram á tónleikunum, þar á meðal voru fyrrnefndir þremenningar, Prettyboitjokkó, ástralski plötusnúðurinn Timmy Trumpet, Herra Hnetusmjör, Jóhanna Guðrún, Sverrir Bergmann, Björn Bragi , Sveppi og læknasystkinin DJ Eva Mey og Doctor Victor, Halldór Gunnar, Rikki G, Fjallabræður, Herra Hnetusmjör, Birnir, Saint Pete, hljómsveitin Merzedes Club, Klaas og AXMO.

Örtröð myndaðist þegar hlé var gert á dagskrá tónleikanna eftir að FM95Blö luku atriði sínu. Fimmtán manns leituðu á bráðamóttöku og þrír voru fluttir á sjúkrahús úr Laugardalshöll. Þá hefur verið gagnrýnt að ekki var leitað á fólki við inngöngu, ekki athugað með skilríki fólks og allir tónleikagestir voru í einu hólfi í salnum.

Eins og meðfylgjandi myndir sýna var fólk á öllum aldri meðal gesta. Röðin inn í Laugardalshöll teygði sig langleiðina í kringum Höllina á tímapunkti. Viktor Freyr ljósmyndari mætti í höllina og myndaði tónleikagesti og listamenn.