Pepe Reina leggur hanskana á hilluna

Como mætir Inter, sem getur orðið Ítalíumeistari, í lokaumferðinni. Reina sat á bekknum í síðasta leik en spilaði þarsíðasta leik og hefur spilað 11 af 37 leikjum liðsins hingað til á tímabilinu.

Reina tilkynnti á samfélagsmiðlum í dag að leikurinn yrði sá síðasti á hans langa ferli.

Pepe Reina er uppalinn í akademíu Barcelona, þar sem hann spilaði sína fyrstu leiki tímabilið 1999-2000. 

Hann fór frá Barcelona til Villareal en fluttist síðan til Liverpool árið 2005 og lék með liðinu í níu ár. Fyrstu þrjú tímabilin þar vann hann gullhanskann þrisvar, FA bikarinn og deildabikarinn.

Hann var einnig hluti af spænska landsliðinu sem varð Evrópumeistari tvisvar og heimsmeistari frá 2008-12.

Alls spilaði hann 394 leiki fyrir Liverpool áður en hann fór frá félaginu 2014. Síðan þá hefur hann spilað fyrir Bayern Munchen, Napoli, AC Milan, Aston Villa, Lazio, Villareal og að lokum Como.

Alls á hann að baki yfir 708 leiki á 26 ára löngum ferli og 36 A-landsleiki fyrir Spán.