Innlent

Byssum stolið úr bíl­skúr í Kópa­vogi

Samúel Karl Ólason skrifar
Lögreglunni barst einnig tilkynning um að starfsmaður fyrirtækis í miðbænum hafi skorið sig lítillega á fingri.
Lögreglunni barst einnig tilkynning um að starfsmaður fyrirtækis í miðbænum hafi skorið sig lítillega á fingri. Visir/Vilhelm

Lögreglunni á höfuðborgarsvæðinu barst í gærkvöldi eða nótt tilkynning um að brotist hefði verið inn í bílskúr í Kópavogi og tveimur byssum stolið þaðan. Einnig barst tilkynning um hópslagsmál barna í Breiðholti en það mál var, samkvæmt dagbók lögreglu, afgreitt á vettvangi.

Í heildina var 71 mál skráð í dagbókina milli fimm í gærkvöldi og fimm í morgun og gisti einn fangageymslu lögreglu eftir nóttina.

Lögreglunni barst í gær tilkynning um tvo þjófnaði úr verslunum í Múlunum og þjófnað úr verslun í Kópavogi. Þá barst tilkynning um skemmdarverk í hjólageymslu í Breiðholti en þar er ekki vitað hver var að verki.

Sömu sögu er að segja eftir innbrot í heimahús í miðbænum en þar er ekki vitað hverju var stolið né hver eða hverjir voru að verki.

Nokkrir ökumenn voru handteknir vegna gruns um akstur undir áhrifum.

Lögreglumál Kópavogur

Mest lesið


Fleiri fréttir

Sjá meira


×

Mest lesið