Innlent

Mót­mæltu brott­vísun Oscars við dóms­mála­ráðu­neytið

Lovísa Arnardóttir skrifar
Oscari verður vísað úr landi í annað sinn í dag.
Oscari verður vísað úr landi í annað sinn í dag. Vísir/Anton Brink

Hópur mótmælenda afhenti ráðuneytisstjóra dómsmálaráðuneytisins áskorun um stöðva brottvísun hins sautján ára Oscars Anders Florez Bocanegra. Brottvísunin fer fram síðar í dag. Hópurinn kom saman fyrir utan dómsmálaráðuneytið í Borgarún í morgun. Greint var frá því nýlega að til stæði að senda Oscar í annað sinn úr landi.

Þrjátíu prestar sendu frá sér yfirlýsingu í gær þar sem þeir fordæmdu brottvísun hans og kröfðust þess að honum verði veitt dvalarleyfi.

Oscar er sautján ára drengur frá Kólumbíu sem kom fyrst til landsins með föður sínum árið 2022. Hann var beittur ofbeldi af föður sínum og tók íslensk fósturfjölskylda hann að sér. Þeim feðgum var báðum vísað úr landi í fyrra en fósturfjölskyldan sótti Oscar til Bogotá í Kólumbíu. Nú stendur til að vísa Oscari aftur úr landi. Samtökin No borders boðuðu til mótmælanna.

Hjónin Svavar Jóhannsson og Sonja Magnúsdóttir hafa gengið Oscari í foreldrastað og vilja taka hann að sér en mætt ýmsum hindrunum. Útlendingastofnun hefur tilkynnt Oscari að hann þurfi að yfirgefa Ísland á ný og geti ekki sótt aftur um vernd.

Hópurinn kom saman fyrir utan dómsmálaráðuneytið í Borgartúni. Vísir/Anton Brink
Töluverður fjöldi kom saman. Vísir/Anton Brink
Askur Hrafn Hannesson hélt tölu fyrir utan ráðuneytið. Vísir/Anton Brink
Toshiki Toma prestur sagði nokkur orð. Vísir/Anton Brink
Kólumbía Flóttafólk á Íslandi Flóttamenn Réttindi barna Hælisleitendur

Tengdar fréttir

Faðirinn hafi ætlað að skilja hann eftir á flugvellinum

Kona sem sótti um að verða fósturforeldri sextán ára pilts sem vísað var úr landi í dag segir að brösuglega hafi gengið að fá að kveðja hann í úrræði ríkislögreglustjóra fyrir brottför piltsins. Hún óttast að ekkert bíði hans í Kólumbíu. 

Vísað úr landi með föður sem hafi afsalað sér forsjá

Sextán ára dreng frá Kólumbíu verður vísað úr landi ásamt föður sínum klukkan 13 í dag. Faðir drengsins afsalaði sér forsjá drengsins til barnaverndar Hafnarfjarðar fyrr í þessum mánuði. Faðir drengsins hefur auk þess verið kærður til lögreglu fyrir ofbeldi gegn drengnum.

Mest lesið


Fleiri fréttir

Sjá meira


×

Mest lesið