Innlent

Munu ekki hlaupa síðustu metrana í Geirs­götu fyrr en 2026

Atli Ísleifsson skrifar
Þetta er ein leið til að koma sér yfir endalínuna. Myndin er tekin í Lækjargötunni þar sem endamarkið hefur verið síðustu áratugina.
Þetta er ein leið til að koma sér yfir endalínuna. Myndin er tekin í Lækjargötunni þar sem endamarkið hefur verið síðustu áratugina. Vísir/Viktor Freyr

Íþróttabandalag Reykjavíkur hefur óskað eftir því við Reykjavíkurborg að fresta breytingu á endamarki Reykjavíkurmaraþons frá Lækjargötu yfir á Geirsgötu þar til í ágúst á næsta ári.

Þetta kemur fram í tilkynningu frá Reykjavíkurborg. Þar segir að borgarráð hafi samþykkt á fundi sínum í desember á síðasta ári tillögur starfshóps um endurskoðun á skipulagi Menningarnætur og Reykjavíkurmaraþons um breytingar á hlaupaleiðum Reykjavíkurmaraþons og dagskrá Menningarnætur 2025.

„Meginmarkmið með breytingu á endamarki maraþonsins var að tryggja öryggi gangandi vegfarenda á svæðinu eftir að hlaupi lýkur með aukinni gæslu og betri lokunum. ÍBR segir breytinguna viðamikla, vinna sé nú þegar hafin, en ekki sé mögulegt að ljúka henni fyrr en á næsta ári.

Borgarráð hefur samþykkt beiðni ÍBR og verður endamarkið því í Lækjargötu í ár líkt og fyrri ár en í Geirsgötu árið 2026.

Aðrar breytingar sem starfshópurinn lagði til, svo sem flutningur á skemmtiskokki úr Þingholtunum í Gamla Vesturbæinn og að kvölddagskrá ljúki klukkan 22:00 í stað 23:00, munu engu að síður taka gildi nú í ár,“ segir í tilkynningunni. 




Fleiri fréttir

Sjá meira


×