Grunur um að maður hafi farið í sjóinn

Þetta staðfestir Ásgeir Þór Ásgeirsson, aðstoðarlögreglustjóri lögreglunnar á höfuðborgarsvæðinu.

Hann segir að tilkynning hafi borist til lögreglu klukkan átta í morgun.

Jón Þór Víglundsson, upplýsingafulltrúi Landsbjargar, segir að björgunarskip frá slysavarnarfélaginu Landsbjörg hafi verið boðaðar út í morgun.

Að leitinni komi björgunarsveitir af höfuðborgarsvæðinu og Akranesi.

Uppfært kl 14:20

Ásgeir Þór segir að leitin hafi ekki borið árangur hingað til.

„Það er búið að leita í allan dag, ganga fjörur, nota dróna, þyrlur og báta og svoleiðis. En það er enn verið að leita og leit heldur áfram fram eftir degi,“ segir hann.

Ásgeir Erlendsson, upplýsingafulltrúi Landhelgisgæslunnar, segir að þyrla Landhelgisgæslunnar hafi verið búin að fara yfir allt það svæði sem beðið var um upp úr hádegi í dag, og hún sé ekki lengur við leit.