Heið­rún Lind í stjórn Sýnar

Þetta kemur fram í tilkynningu sem Sýn sendi til Kauphallar í dag. Rannveig Eir Einarsdóttir, eigandi Reir ehf. sem er þriðji stærsti hluthafi Sýnar með 8,3 prósenta hlut, gefur ekki kost á sér til áframhaldandi stjórnarsetu. Aðrir í framboði eiga sæti í stjórn.

Eftirtalin framboð bárust innan lögboðins framboðsfrests:

Framboð til aðalstjórnar

• Hákon Stefánsson
• Heiðrún Lind Marteinsdóttir
• Páll Gíslason
• Petrea Ingileif Guðmundsdóttir
• Ragnar Páll Dyer

Framboð til varastjórnar:

• Daði Kristjánsson
• Ingibjörg Ásdís Ragnarsdóttir

Daði og Ingibjörg eru núverandi varamenn stjórnar. 

Þar sem einungis fimm framboð bárust til aðalstjórnar og tvö til varastjórnar verða allir hlutaðeigandi sjálfkjörnir á fundinum.

Framboð til tilnefningarnefndar:

Í samræmi við starfsreglur stjórnar og starfsreglur tilnefningarnefndar gefst hluthöfum jafnframt tækifæri á að kjósa allt að þrjá einstaklinga í tilnefningarnefnd.

Framboð til tilnefningarnefndar:

• Guðríður Sigurðardóttir
• Þröstur Olaf Sigurjónsson

Þar sem einungis tvö framboð til tilnefningarnefndar bárust innan framboðsfrests verða þeir nefndarmenn sem kosnir eru á aðalfundi félagsins sjálfkjörnir.

Vísir er í eigu Sýnar.