Úr­val Út­sýn færir lands­mönnum sól og gleði í 70 ár

„Það skiptir miklu máli að skoða vel öll tilboð sem dynja á okkur alla daga,“ segir Þórunn Reynisdóttir, forstjóri Úrvals Útsýnar. „Þegar fólk kaupir pakkaferð, flug og gistingu hjá Úrval Útsýn, eru taska og handfarangur nefnilega alltaf innifalinn. Þegar bókað er stakt flug hjá mörgum flugfélögum þarf að bæta þessum aukakostnaði við upphaflegt verð og þá er eftir að panta gistingu. Það getur því oft borgað sig að kaupa pakkann hjá okkur og láta um leið okkar frábæra starfsfólk aðstoða við skipulagið.“

Þórunn bendir líka á að starfsfólk ferðaskrifstofunnar séu sérfræðingar í að sérsníða ferðir fyrir einstaklinga, smærri hópa og stærri hópa. „Þar kemur áratuga reynsla svo sannarlega að góðu gagni. Best er að senda tölvupóst á netfangið info@uu.is, og starfsfólk hennar aðstoðar við val á áfangastað, gistingu og ýmsar bókanir í sólina. Ef rétta gistingin finnst ekki á vef Úrvals Útsýnar er best að hafa samband við info@uu.is.“

Hún vekur athygli á því að Úrval Útsýn er með sína eigin flugvél í öllu sólarflugi til og frá Íslandi. „Það er ítalska flugfélagið Neos Air sem hefur séð um allt okkar flug í sólina yfir árið sem skapar mikil þægindi fyrir okkur og um leið viðskiptavini okkar.“

Lítum á nokkra af helstu áfangastöðum Úrvals Útsýnar sem eru í boði næstu mánuði.

Það verður enginn svikinn af heimsókn til Veróna og Gardavatns

Ítalska borgin Veróna er einstök borg enda af mörgum talin fegursta borg landsins. Hún er m.a. sögusvið harmleiksins Rómeó og Júlíu eftir William Shakespeare og þekkt óhemju fallegar byggingar, kirkjur, dæmigerðar ítalskar þröngar götur, fjölda safna og auðvitað veitingahúsa. Það verður enginn svikinn af heimsókn til Veróna.

Meðal þess sem ferðalangar ættu ekki að láta fara fram hjá sér er rómverska hringleikhúsið Arena di Verona, söguleg miðborg Veróna sem er á heimsminjaskrá UNESCO og státar af stórkostlegum torgum eins og Piazza delle Erbe og Piazza Bra, auk gamalla kirkja og kastala og Castelvecchio sem er kastali frá 14. öld sem hýsir listasafn með verkum frá miðöldum og endurreisnartímanum. Brúin Ponte Scaligero er tengd við kastalann og er óhemju falleg.

Úrval Útsýn býður upp á beint flug til Veróna í allt sumar og fram á haust en fyrsta flugið er 6. júní. Hægt er að velja milli helgarferða eða 9 daga ferða þar sem Gardavatn á nágrenni er innifalið.

Gardavatn er einungis í um 35 km fjarlægð frá Veróna en staðurinn er frægur fyrir mikla náttúrufegurð, há fjöll sem umlykja vatnið og úrvals vínframleiðslu. Í nágrenni vatnsins má finna margar spennandi og rómantískar gönguleiðir en svæðið býður upp á mikla útivistamöguleika. Meðfram Gardavatni eru auk þess margir fallegir smábæir, hafnir og fallegar strendur. Fjölskyldu- og skemmtigarðurinn Gardalandia liggur líka við vatnið en þar ættu allir að finna eitthvað við sitt hæfi.

Flogið er með ítölsku flugfélagi sem eykur enn frekar á stórkostlega ítalska upplifun.

Kynntur þér Veróna og Gardavatn betur hér.

Tenerife á stað í hjarta landsmanna

Það er óhætt að segja að Tenerife bjóði upp á allt það sem sólarstaðir státa af, þar á meðal einstaka veðursæld, hreinar strendur og fjölbreytta afþreyingu fyrir alla aldurshópa. Eyjan hefur verið einn vinsælasti viðkomustaður Íslendinga í áratugi, ekki síst yfir vetrartímann þegar margir landsmenn flýja úr kuldanum og skammdeginu til Paradísareyjunnar fögru.

Suðurhluti Tenerife er vinsæll en þar skín sólin nánast alla daga ársins. Úrval Útsýn býður upp á fjölbreytta gistimöguleika sem allir hafa sinn sjarma og einstakt andrúmsloft. Norðurhluti eyjunnar er öllu rólegri en ekki síður spennandi. Boðið er upp á gistingu í borginni Puerto de la Cruz þar sem gamli og nýi tíminn mætast á sjarmerandi máta. Norðurhluti eyjunnar hýsir líka höfuðborg Tenerife, Santa Cruz, en hún er glaðleg heimsborg sem er full af orku. Þar má m.a. finna marga fallega garða, flottar verslunargötur og spennandi veitingastaði.

Meðal vinsælla afþreyingar á Tenerife má nefna Siam Park, sem er flottasti vatnsrennibrautagarður heims, og dýragarðinn Loro Parque sem er einn glæsilegasti dýragarður Evrópu og vinsæll meðal fólks á öllum aldri.

Kynntu þér Tenerife betur hér.

Fjölskyldan lifir drauminn á Almería

Almería er falleg borg staðsett í Andalúsíu á Spáni sem óhætt er að kalla draumaáfangasstað fjölskyldunnar. Borgin er rómuðu fyrir náttúrufegurð og býður upp á sólríkar sandstrendur, ekta spænska menningu sem og gott úrval af frábærum gististöðum. Ekki má gleyma öllum frábæru veitingahúsunum en svæðið í kringum Almería er þekkt fyrir hina sívinsælu tapas-rétti. Allt í kringum Almería má finna fjölda þorpa, hvert með sitt sérkenni og sjarma. Boðið er upp á beint flug til Almería en í 18 km fjarlægð frá borginni er strandbærinn Roquetas de mar þar sem gististaðir Úrvals Útsýnar eru staðsettir.

Kynntu þér Almería betur hér.

Krít býður upp á einstaka fjölbreytni og hágæða matargerð

Á grísku eyjunni Krít má finna eitt besta loftslag Evrópu þar sem sólin skín flesta daga ársins. Landslagið er talsvert fjölbreyttara en á mörgum sólarstöðum Evrópu en þar má m.a. sjá há fjöll með snævi þöktum toppum, frábærar strendur og eyðivíkur, iðandi borgarlíf og hæglátt þorpslíf, fjörugir barir og rólegar sveitakrár.

Andrúmsloftið og menningin er fyrir löngu orðin heimsfræg enda einstök að mörgu leyti. Nægir að nefna söguslóðir Knossos, siglingu til Santorini, gönguferð um Samaria gljúfrið og dansspor í takt við Zorba. Svona fjölbreytni er bara hægt að finna á Krít. Og auðvitað er maturinn í hæsta gæðaflokki enda stutt í ferskt og gómsætt fiskmeti, alls kyns kjöt og grænmeti í sérflokki, hágæða ólífuolíu, gott vín og osta sem bráðna í munni. Er hægt að hugsa sér eitthvað betra?

Kynntu þér Krít betur hér.

Norðurhluti Costa Blanca svæðisins á Spáni er vel þekkt meðal Íslendinga en þar má m.a. finna borgina Alicante og strandbæina Benidorm, Albir og Calpe.

Í Alicante sameinast heillandi borgarstemning og fjörugt strandlíf

Borgin Alicante, sem er staðsett í hjarta Costa Blanca á Spáni, býður upp á flest það sem prýðir spennandi borgir og bætir svo einu trompi við, sem er 7 km falleg strandlengja en öll hótel Úrvals Útsýnar eru staðsett nálægt henni. Heillandi miðbærinn iðar af mannlífi frá morgni til kvölds með sínum góðu veitingastöðum, úrvali verslana og iðandi mannlífi. Í Alicante er hægt að skoða margar fallegar minjar, til dæmis frá tímum Máranna og kastalann Santa Barbara sem var byggður á 9. öld. Einnig má finna ýmsa handverksmarkaði í borginni. Dagana 28. mars og 4. apríl verður boðið upp á vikulanga golfkennslu með Júlíusi Hallgrímssyni. Þá er gist á El Plantio Resort sem er íbúðarhótel staðsett við golfvöllinn. Í golfskólanum eru mest 12 nemendur og því er kennslan mjög persónuleg.

Kynntu þér Alicante betur hér.

Benidorm hefur verið einn vinsælasti áfangastaður sóldýrkandi Evrópubúa

Benidorm hefur í nokkra áratugi verið einn vinsælasti áfangastaður sóldýrkandi Evrópubúa, þar á meðal Íslendinga. Þar sameinast víðfrægt næturlíf og fjörugt strandlíf í afar fallegu umhverfi. Fyrir ofan bæinn rís fjallahringur þar sem má finna skemmtilegar gönguleiðir og lítil og falleg þorp sem gaman er að heimsækja. Mikill fjöldi góðra veitingastaða er á svæðinu og stórir skemmti- og dýragarðar.

Kynntu þér Benidorm betur hér.

Notalega stemning í Albír og Altea

Í um 50 km fjarlægð frá Alicante, og skammt frá Benidorm, er vinalegi bærinn Albír en þar má m.a. finna góð kaffihús, girnilegan mat, líflegar krár, verslanir og alls kyns afþreyingu. Sannarlega tilvalinn bær til að heimsækja ef maður vill brjóta upp fjörugt strandlífið og leita í sólríka og notalega stemningu. Fjölskyldu- og skemmtigarðurinn Terra Mitica, vatnsskemmtigarðurinn Aqualandia og sædýragarðurinn Mundomar eru svo í næsta nágrenni.

Skammt frá Albír er listamannabærinn Altea þar sem margir listamenn hafa hreiðrað um sig undanfarin ár. Þar má gera góð kaup á ýmsum listaverkum en einnig finna fjölda góðra veitingastaða, skemmtilega bari og kaffihús.

Kynntu þér Albír og Altea betur hér.

Perla Costa Blanca strandarinnar er alltaf jafn heillandi

Calpe svæðið er þekkt sem perla Costa Blanca strandarinnar og þá er nú mikið sagt. Hvítur sandur og túrkís blátt haf einkennir svæðið sem er í um 50 mínútna akstursfjarlægð frá Alicante borg. Penón de Ifach kletturinn trónir yfir bænum en þar má finna skemmtilegar gönguleiðir og stórbrotið útsýni. Calpe svæðið er einnig þekkt fyrir frábæra veitingastaði sem bjóða upp á guðdómlega sjávarrétti.

Kynntu þér Calpe betur hér.

Hvað er skemmtilegra en golf í skínandi Spánarsólinni?

Úrval Útsýn býður upp á einstakar golfferðir í mars til Kanaríeyja og Alicante á Spáni en utan þess getur starfsfólk ferðaskrifstofunnar skipulagt sérsniðnar golfferðir fyrir einstaklinga og hópa um allan heim.

Á suðvesturhluta Tenerife er hinn glæsilegi Golf Costa Adeje sem er 18 holu völlur. Gist er á Hótel Suite Villa Maria sem er frábær 5 stjörnu hótelsamstæða staðsett í 500 metra fjarlægð frá La Caleta de Adeje ströndinni. Í næsta nágrenni er líka 9 holu golfvöllurinn Los Lagos sem er frábær völlur fyrir háforgjafar kylfinga og byrjendur.

Las Americas er vinsælasti golfvöllurinn á Tenerife. Um er að ræða 18 holu, par 72 keppnisvöll með einstaklega góðar flatir sem henta öllum getustigum. Landslag vallarins þykir einstaklega fallegt þar sem blandast saman mörg vötn, fossar, tré og hæðir. Klúbbhúsið er ekki síðra með sínum glæsilegu og stóru svölum með skemmtilegt útsýni yfir völlinn.

Golfferðir til Alicante njóta sívaxandi vinsælda enda sameinast þar golf og fjörugt borgar- og strandlíf.

Alicante Golf er skemmtilegur áfangastaður fyrir kylfinga í Alicante. Um er að ræða fallegan 18 holu völl hannaðan af Seve Ballesteros sem er stutt frá miðborginni og flugvelli.

El Plantio er frábær kostur fyrir kylfinga sem vilja dvelja í flottum íbúðum og spila á góðum keppnisvelli sem er stutt frá flugvelli. Golfvöllurinn er 18 holur sem býður upp á skemmtilegan 9 holu par 3 völl og gott æfingasvæði.

Bæði Alicante Golf og El Plantio eru í 5-10 akstursfjarlægt frá miðborg Alicante.

Í lok mars er boðið upp á 15 daga golfveislu fyrir Úrvalsgolfara sem er hópur sem inniheldur 60 ára og eldri golfara. Valið stendur þar á milli Alicante Golf og El Plantio vallanna.

Aðrir skemmtilegir golfvellir á Costa Blanca svæðinu sem Úrval Útsýn býður upp á eru La Finca, La Manga og Villaitana Golf.

Skráið ykkur endilega í Netklúbb Úrvals Útsýnar til að fá upplýsingar um nýjar ferðir og nýjustu tilboðin.

Kynntu þér golfferðirnar hér.

Mikið úrval skemmtilegra borgarferða

Úrval Útsýn hefur áratuga reynslu af skipulagningu borgarferða fyrir einstaklinga og hópa. Hægt er að velja á milli fjölbreyttra skipulagðra borgarferða eða sérsníða ferðir fyrir stærri og smærri hópa.

Meðal skipulagðra borgarferða næstu mánuðina má nefna ferðir til Veróna á Ítalíu, Bilbao á Spáni, Porto í Portúgal, Budva í Svartfjallalandi, Riga í Lettlandi og Lecce á Ítalíu. Þú getur einfaldlega sent okkur línu á hopar@uu.is og við finnum þá ferð sem þú óskar eftir. Það er alltaf hægt að stóla á faglega og framúrskarandi þjónustu hjá okkur.

Kynntu þér borgarferðirnar hér.

Spennandi ævintýri á fjarlægum slóðum

Sérferðir Úrvals Útsýnar á framandi og spennandi áfangastaða hafa notið vaxandi vinsælda undanfarin ár. Þar spilar inn í rík áhersla á góðan aðbúnað, hæfilega stóra hópa, þægilegar dagleiðir og auðvitað fyrsta flokks fararstjórn. Meðal áfangastað ársins eru Króatía, gríska Eyjahafið, Indónesía, Sri Lanka, Mexíkó, Balí, Kambódía, Istanbúl, Indland ,Taíland og Máritíus eyja í Suður Indlandshafi.

Kynntu þér sérferðir Úrvals Útsýnar betur hér.

Njóttu lífsins í draumasiglingunni

Það er svo sannarlega einstök upplifun að fara í siglingu með skemmtiferðaskipi. Úrval Útsýn býður upp á nokkrar skemmtilegar siglingar enda með samning við stærstu og glæsilegustu skipafélög í heimi. Ferðirnar eru með íslenskum fararstjóra en að sjálfsögðu er hægt að sérsníða draumasiglinguna þína. Í ár er boðið upp á siglingar í gríska Eyjahafinu, siglingu frá Barcelona, siglingu frá Feneyjum og tvenns konar siglingu um Miðjarðarhafið.

Kynntu þér siglingar sem eru í boði hjá Úrval Útsýn.