Kókaínsmygl systkina og maka þeirra út um þúfur Jón Þór Stefánsson skrifar 20. febrúar 2025 15:32 Fólkið hefur sætt gæsluvarðhaldi á Hólmsheiði frá 16. september á meðan málið hefur verið til meðferðar hjá lögreglu og dómstólum. Vísir/Vilhelm Systkini og makar þeirra hafa verið sakfelld í Héraðsdómi Reykjavíkur fyrir innflutning á kókaíni til landsins. Þyngsti dómurinn hljóðar upp á þriggja ára fangelsi, en sá vægasti upp á átján mánuði. Sakborningarnir, sem eru tvær konur og tveir karlar, voru dæmdir fyrir innflutning á 3,3 kíló af kókaíni með flugi frá Amsterdam í Hollandi þann 15. september í fyrra. Efnin voru flutt innvortis í sakborningunum, en styrkleiki efnanna var á bilinu 73 til 86 prósent. Fjórmenningarnir, sem eru allir erlendir ríkisborgarar, játuðu allir sök, en vildu þó meina að þeir hefðu ekki verið að flytja efnin saman hingað til lands. Refsing í fíkniefnamálum er þyngri ef dæmt er fyrir samráð. Þyngsta dóminn fékk Silafini Amalensi, en hún flutti tæpt 1,5 kíló af kókaíni til landsins innvortis. Karlarnir Leandro Rodger Amalensi, sem er bróðir Silafini, og Rudy Jack Prauga Usage Prauga Nobial, sem er unnusti Silafini, hljóta báðir tveggja ára dóm. Sá fyrrnefndi var með 791 grömm en sá síðarnefndi var með 675 grömm. Ais Vetjama Pansa, sem er unnusta Leonards, hlaut átján mánaða dóm fyrir að vera með tæp 400 grömm á sér. Rámaði í eina Íslandsheimsókn Samkvæmt skýrslu tollgæslunnar voru sakborningarnir margsaga um það hversu oft þeir hefðu komið til landsins þegar þeir voru spurðir út í ferðir sínar við tollhlið á Keflavíkurflugvelli. Silafini hafi „rámað í“ að hafa komið hingað einu sinni áður, en samkvæmt gögnum tollgæslunnar var þetta að minnsta kosti fimmta ferð hennar. Rudy Jack hafi haft svipaða sögu að segja. Hann minnti að hann hefði komið einu sinni áður fyrir meira en ári síðan, en gögn tollsins sýndu að hann hafði komið fjórum sinnum síðan í júní það ár. Í niðurstöðu sinni benti dómari á að umbúðir á fíkniefnunum hefðu verið æði líkar. Þá vísaði hann til fjögurra ólíkra sagna fólksins af aðdraganda innflutningsins. Skuld bróður og ókunnugt fólk á djamminu Silafini sagðist hafa hjálpað einum bróður sínum við millifærslu peninga en einhverjir stungið af með peningana. Hún hefði ætlað að fá skuld bróður síns fellda niður með innflutningnum. Leandro sagðist hafa verið úti á götu í Amsterdam, rætt þar við vin sinn og sagt honum að hann væri á leiðinni til Íslands. Þá hefði ókunnugur maður beðið hann um að fara með sendingu til Íslands gegn greiðslu. Leandro hafi verið fjárþurfi, atvinnustaða hans ekki góð og hann því slegið til. Rudy sagðist hafa farið út á lífið á Englandi daginn fyrir ferðina til Íslands. Hann hefði hitt ókunnugan mann sem hefði beðið sig um að taka með pakka til Íslands. Rudy hefði fundist pakkinn grunsamlegur en þegar hann gerði athugasemd hefði maðurinn hótað honum. Hann hefði því farið með pakkann og átt von á greiðslu fyrir. Ais sagðist hafa hitt mann á skemmtistað í Lille í Frakklandi en mundi ekki nafn skemmtistaðarins. Hann hefði látið hana hafa fíkniefnin. Verulegur ólíkindablær Ekkert þeirra sagðist vita hvernig þau áttu að standa að afhendingu efnanna á Íslandi. Rudy, Leandro og Silafini sögðu hvert fyrir sig að einhver hefði ætlað að setja sig í samband við þau á Íslandi. Dómaranum þótti verulegur ólíkindablær á frásögnum fjórmenninganna. Ef marka mætti frásagnir þeirra hefðu þau ætlað saman í fjölskylduferð til Íslands en málin þróast þannig að öll fjögur, þó hvert fyrir sig og án nokkurs samráðs, hefðu tekið að sér að flytja fíkniefni til Íslands. Þótti dóminum ljóst að þau hefðu staðið að innflutningnum í samverknaði. Um sé að ræða hættuleg fíkniefni. Magn efnannan var misjafnt sem útskýrði misjafna refsingu fólksins. Dóminn má lesa hér. Dómsmál Keflavíkurflugvöllur Tollgæslan Fíkn Mest lesið Bein útsending: Konur streyma á Arnarhól Innlent Rýnt í stöðuna í Úkraínu: Trump stendur loks við stóru orðin Erlent Sættir sig ekki við sýknu tálbeitunnar Innlent Blöskrar „vælið“ vegna Norðuráls Innlent Allt að áttatíu þúsund mæti í miðbæinn og götulokanir í gildi Innlent Meinað að taka þátt þar sem hún þurfti að hafa barnið með sér Innlent „Fyrst og fremst erum við að biðja um að fá að vera skráð í okkar hús“ Innlent Íslendingar meðal sakborninga en enginn í varðhaldi Innlent Þjóðin klofin í afstöðu til þess hvort jafnrétti kynjanna hafi verið náð Innlent Lofar látum og vísar gagnrýni Samtaka atvinnulífsins á bug Innlent Fleiri fréttir Hóf störf of snemma eftir kvörtun vegna heimilisofbeldis Vara við vafasömum Excel-skjölum í umferð „bókstaflega út um allt“ Meinað að taka þátt þar sem hún þurfti að hafa barnið með sér Vill fund vegna „alvarlegrar stöðu“ á lánamarkaði Þingnefnd ræðir stöðuna á Grundartanga: „Þetta er bara óljóst“ Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Þriggja ára fangelsi eftir flug frá Berlín Fann aldagamlan mun, brást hárrétt við og langar að gerast fornleifafræðingur Brunaði austur til að finna litla frænda „Þá erum við að tala um 60 milljarða í töpuðum útflutningstekjum“ Kvíðið starfsfólk, handtökur og fornminjafundur Starfsmenn Kubbs og Terra grunaðir um samráð Sjá meira
Sakborningarnir, sem eru tvær konur og tveir karlar, voru dæmdir fyrir innflutning á 3,3 kíló af kókaíni með flugi frá Amsterdam í Hollandi þann 15. september í fyrra. Efnin voru flutt innvortis í sakborningunum, en styrkleiki efnanna var á bilinu 73 til 86 prósent. Fjórmenningarnir, sem eru allir erlendir ríkisborgarar, játuðu allir sök, en vildu þó meina að þeir hefðu ekki verið að flytja efnin saman hingað til lands. Refsing í fíkniefnamálum er þyngri ef dæmt er fyrir samráð. Þyngsta dóminn fékk Silafini Amalensi, en hún flutti tæpt 1,5 kíló af kókaíni til landsins innvortis. Karlarnir Leandro Rodger Amalensi, sem er bróðir Silafini, og Rudy Jack Prauga Usage Prauga Nobial, sem er unnusti Silafini, hljóta báðir tveggja ára dóm. Sá fyrrnefndi var með 791 grömm en sá síðarnefndi var með 675 grömm. Ais Vetjama Pansa, sem er unnusta Leonards, hlaut átján mánaða dóm fyrir að vera með tæp 400 grömm á sér. Rámaði í eina Íslandsheimsókn Samkvæmt skýrslu tollgæslunnar voru sakborningarnir margsaga um það hversu oft þeir hefðu komið til landsins þegar þeir voru spurðir út í ferðir sínar við tollhlið á Keflavíkurflugvelli. Silafini hafi „rámað í“ að hafa komið hingað einu sinni áður, en samkvæmt gögnum tollgæslunnar var þetta að minnsta kosti fimmta ferð hennar. Rudy Jack hafi haft svipaða sögu að segja. Hann minnti að hann hefði komið einu sinni áður fyrir meira en ári síðan, en gögn tollsins sýndu að hann hafði komið fjórum sinnum síðan í júní það ár. Í niðurstöðu sinni benti dómari á að umbúðir á fíkniefnunum hefðu verið æði líkar. Þá vísaði hann til fjögurra ólíkra sagna fólksins af aðdraganda innflutningsins. Skuld bróður og ókunnugt fólk á djamminu Silafini sagðist hafa hjálpað einum bróður sínum við millifærslu peninga en einhverjir stungið af með peningana. Hún hefði ætlað að fá skuld bróður síns fellda niður með innflutningnum. Leandro sagðist hafa verið úti á götu í Amsterdam, rætt þar við vin sinn og sagt honum að hann væri á leiðinni til Íslands. Þá hefði ókunnugur maður beðið hann um að fara með sendingu til Íslands gegn greiðslu. Leandro hafi verið fjárþurfi, atvinnustaða hans ekki góð og hann því slegið til. Rudy sagðist hafa farið út á lífið á Englandi daginn fyrir ferðina til Íslands. Hann hefði hitt ókunnugan mann sem hefði beðið sig um að taka með pakka til Íslands. Rudy hefði fundist pakkinn grunsamlegur en þegar hann gerði athugasemd hefði maðurinn hótað honum. Hann hefði því farið með pakkann og átt von á greiðslu fyrir. Ais sagðist hafa hitt mann á skemmtistað í Lille í Frakklandi en mundi ekki nafn skemmtistaðarins. Hann hefði látið hana hafa fíkniefnin. Verulegur ólíkindablær Ekkert þeirra sagðist vita hvernig þau áttu að standa að afhendingu efnanna á Íslandi. Rudy, Leandro og Silafini sögðu hvert fyrir sig að einhver hefði ætlað að setja sig í samband við þau á Íslandi. Dómaranum þótti verulegur ólíkindablær á frásögnum fjórmenninganna. Ef marka mætti frásagnir þeirra hefðu þau ætlað saman í fjölskylduferð til Íslands en málin þróast þannig að öll fjögur, þó hvert fyrir sig og án nokkurs samráðs, hefðu tekið að sér að flytja fíkniefni til Íslands. Þótti dóminum ljóst að þau hefðu staðið að innflutningnum í samverknaði. Um sé að ræða hættuleg fíkniefni. Magn efnannan var misjafnt sem útskýrði misjafna refsingu fólksins. Dóminn má lesa hér.
Dómsmál Keflavíkurflugvöllur Tollgæslan Fíkn Mest lesið Bein útsending: Konur streyma á Arnarhól Innlent Rýnt í stöðuna í Úkraínu: Trump stendur loks við stóru orðin Erlent Sættir sig ekki við sýknu tálbeitunnar Innlent Blöskrar „vælið“ vegna Norðuráls Innlent Allt að áttatíu þúsund mæti í miðbæinn og götulokanir í gildi Innlent Meinað að taka þátt þar sem hún þurfti að hafa barnið með sér Innlent „Fyrst og fremst erum við að biðja um að fá að vera skráð í okkar hús“ Innlent Íslendingar meðal sakborninga en enginn í varðhaldi Innlent Þjóðin klofin í afstöðu til þess hvort jafnrétti kynjanna hafi verið náð Innlent Lofar látum og vísar gagnrýni Samtaka atvinnulífsins á bug Innlent Fleiri fréttir Hóf störf of snemma eftir kvörtun vegna heimilisofbeldis Vara við vafasömum Excel-skjölum í umferð „bókstaflega út um allt“ Meinað að taka þátt þar sem hún þurfti að hafa barnið með sér Vill fund vegna „alvarlegrar stöðu“ á lánamarkaði Þingnefnd ræðir stöðuna á Grundartanga: „Þetta er bara óljóst“ Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Þriggja ára fangelsi eftir flug frá Berlín Fann aldagamlan mun, brást hárrétt við og langar að gerast fornleifafræðingur Brunaði austur til að finna litla frænda „Þá erum við að tala um 60 milljarða í töpuðum útflutningstekjum“ Kvíðið starfsfólk, handtökur og fornminjafundur Starfsmenn Kubbs og Terra grunaðir um samráð Sjá meira