Upphaflega stóð til að Kristrún myndi flytja stefnuræðu sína síðastliðinn fimmtudag, en illviðri setti strik í reikninginn og tekin var ákvörðun um að fresta stefnuræðunni þar til í dag.
Umræður um ræðuna skiptast í tvær umferðir. Forsætisráðherra hefur tólf ræður til framsögu en í kjölfarið fá fulltrúar annarra flokka en Samfylkingarinnar, flokks Kristrúnar, sex mínútur hver. Í seinni umferð, sem samanstendur einnig af sex ræðum, fá fulltrúar flokkanna allir sex mínútur hver.
Fylgjast má með hér að neðan, en dagskrá þingsins hefst klukkan 19:40.
Röð flokkanna ræðst af þingstyrk, og því fá Sjálfstæðismenn fyrstir að taka til máls eftir að Kristrún hefur flutt stefnuræðuna. Í kjölfarið fylgja Viðreisn, Miðflokkur, Flokkur fólksins og loks Framsóknarflokkurinn.
Ræðumenn kvöldsins eru eftirfarandi:
Samfylkingin
- Kristrún Frostadóttir, forsætisráðherra, í fyrri umferð.
- Jóhann Páll Jóhannsson, umhverfis-, orku- og loftslagsráðherra, í seinni umferð.
Sjálfstæðisflokkur
- Þórdís Kolbrún R. Gylfadóttir, 1. þingmaður Suðvesturkjördæmis, í fyrri umferð.
- Hildur Sverrisdóttir, 8. þingmaður Reykjavíkurkjördæmis suður, í seinni umferð.
Viðreisn
- Þorgerður Katrín Gunnarsdóttir, utanríkisráðherra, í fyrri umferð.
- Daði Már Kristófersson, fjármála- og efnahagsráðherra, í seinni umferð.
Miðflokkurinn
- Sigmundur Davíð Gunnlaugsson, 2. þingmaður Norðausturkjördæmis, í fyrri umferð.
- Bergþór Ólason, 4. þingmaður Suðvesturkjördæmis, í seinni umferð.
Flokkur fólksins
- Inga Sæland, félags- og húsnæðismálaráðherra, í fyrri umferð.
- Ragnar Þór Ingólfsson, 5. þingmaður Reykjavíkurkjördæmis norður, í seinni umferð.
Framsóknarflokkur
- Sigurður Ingi Jóhannsson, 10. þingmaður Suðurkjördæmis, í fyrri umferð.
- Stefán Vagn Stefánsson, 5. þingmaður Norðvesturkjördæmis, í seinni umferð.
