Hefnd Ingu kom í bakið á Einari

Þegar Einar sleit borgarstjórameirihlutasamstarfinu virtist hann ganga út frá því sem vísu að annar kostur væri í stöðunni; nefnilega meirihlutasamstarf Framsóknar (4) og Sjálfstæðisflokks (6) auk fulltrúa Viðreisnar (1) og Flokks fólksins (1). Þetta eru 12 fulltrúar gegn 11, eða Sósíalistum (2), Pírötum (3), Samfylkingu (5) og VG (1).

Þórdís Lóa til í nýtt meirihlutasamstarf

Þórdís Lóa Þórhallsdóttir, oddviti Viðreisnar í Reykjavík, virtist í upphafi hafa verið tilbúin í nýtt meirihlutasamstarf. Hún sagði, í samtali við Vísi á laugardag, fullmikið að segja að formlegar viðræður eigi sér nú stað um myndun nýs meirihluta í borginni. En það væri samtal í gangi á milli Sjálfstæðisflokks, Framsóknarflokks, Viðreisnar og Flokks fólksins.

Hún virtist þó aðallega horfa til borgarstjórastólsins. „Þetta er alveg nýtt upphaf,“ sagði Þórdís Lóa.

Kolbrún sá Flokk fólksins í meirihluta

Fréttastofa Vísis og Stöðvar 2 hefur ekki enn náð tali af Einari en svo virðist sem þær viðræður hafi verið í burðarliðnum þegar Inga setti fótinn óvænt niður: Hennar flokkur myndi ekki taka þátt í að leiða Sjálfstæðisflokkinn til valda í borginni. Þetta sagði hún í viðtali við RÚV. Svo virðist sem Morgunblaðið, sem öðrum þræði er málgagn Sjálfstæðisflokksins, hafi strokið Ingu öfugt með þessum líka afleiðingunum.

Kolbrún Áslaugar Baldursdóttir nýkjörinn þingmaður Flokks fólksins sem áður var oddviti Flokksins í borgarstjórn , sagði að henni væri illa við að vinna með Sjálfstæðisflokknum. 

Þrátt fyrir langvarandi gott samstarf hafi afstaða hennar breyst eftir að Flokkur fólksins hafi þurft að þola „hatur og heift“ frá Sjálfstæðisflokknum og Morgunblaðinu. En hún sagði einnig eftir að hafa borið sig aumlega undan skrifum blaðsins: 

„En þessu sögðu fagna ég vissulega þessu uppbroti í borginni og hvernig sem mál þróast er líklegt að loksins komist Flokkur fólksins í borginni í meirihluta sem er sannarlega tímabært.“

Já, en neit takk, ómögulega!

Eftir brotthvarf Kolbrúnar er oddviti Flokks fólksins og eini borgarfulltrúinn Helga Þórðardóttir. Hún er systir Sigurjóns Þórðarsonar þingmanns Flokks fólksins, sem hefur ekki farið leynt með þá skoðun sína undanfarið að skera ætti niður fjölmiðlastyrk til Morgunblaðsins meðal annars vegna tengsla við auðmenn, sjávarútveginn og um leið Sjálfstæðisflokkinn.

Þrátt fyrir þessar væringar var ekki annað að sjá en að Helga (og Kolbrún) teldi einsýnt að vert væri að fara í viðræður við Einar og Sjálfstæðisflokkinn. En Inga sýndi að hún er foringinn í sínum flokki og sló allar slíkar hugmyndir út af borðinu í einni sviphendingu.

Stefán Einar kemur til bjargar

Þessar vendingar komu flatt upp á Hildi Björnsdóttur oddvita Sjálfstæðismanna og Eiríkur Bergmann stjórnmálafræðingur segir að svo virðist sem Einar hafi hreinlega plottað yfir sig.

Össur Skarphéðinsson, fyrrverandi utanríkisráðherra og nú stjórnmálaskýrandi á Facebook, hefur látið málið til sín taka og bent á að óvænt hafi Stefán Einar Stefánsson blaðamaður Morgunblaðsins bjargað Sjálfstæðisflokknum frá þessu meirihlutasamstarfi, sem hann telur ekki björgulegt: 

„Hann hefur staðið fyrir einbeittu og óvægnu einelti Moggans gegn Flokki fólksins, og Ingu Sæland sérstaklega. Inga borgaði fyrir sig með því að stökkva fram svo að segja í upphafi þessarar kaótísku uppákomu sem enn stendur yfir og lýsa því að aldrei skyldi Sjálfstæðisflokkurinn þrífast í meirihluta með stuðningi síns flokks.“

Eina raunhæfa leiðin er nýtt samstarf til vinstri

Mál hafa þannig skipast svo að eina meirihlutasamstarfið sem virðist raunhæft, eftir einhverjar einkennilegustu vendingar íslenskrar stjórnmálasögu, og er þá mikið sagt, virðist vera Samfylking, Píratar, Viðreisn, Flokks fólksins og Vinstri grænir auk Sósíalista. 

Þetta eru reyndar þrettán borgarfulltrúar, þannig að vinstri vængurinn gæti leyft sér að refsa Þórdísi Lóu fyrir ótímabærar yfirlýsingar. Til í allt án Viðreisnar. Og það sem meira er, þetta gæti þá til að mynda orðið til þess að Sanna Magdalena Mörtudóttir verði næsti borgarstjóri.

Sanna og Líf Magneudóttir, oddviti Vinstri grænna, sendu frá sér sameiginlega yfirlýsingu sem gætu rennt stoðum undir þessa kenningu:

Margir hafa skemmt sér við að velta atburðarrásinni fyrir sér á samfélagsmiðlum. Einn þeirra er Agnar Kristján Þorsteinsson, pistlahöfundur á Heimildinni og kvikmyndaáhugamaður, sem hefur boðið upp á það sem hann kallar Klovn-þátt: Einars sögu Þorsteinssonar, sem enn sé ekki lokið. Illugi Jökulsson fjölmiðlamaður lýsir samantekt Agnars Kristjáns sem bráðfyndinni og hnífskarpi greiningu á uppistandi Einars. 

Klovn-þáttur í sögu Einars Þorsteinssonar

„Fyrst sprengir hann borgarstjórnina og segist ætla að hefja formlegar samstarfsviðræður við Sjálfstæðisflokk, Flokk fólksins, og Viðreisn sem kemur eins og þruma úr heiðskýru lofti en feilar svo illilega hjá honum í framhaldi þegar fólk fer að jafna sig á sjokkinu..

Fyrsta feil: hann virtist ekki hafa rætt við neinn um þetta því Viðreisnar-borgarfulltrúinn var frekar undrandi, Flokkur fólksins einnig og Sjálfstæðisflokksliðið sagði ekki neitt enda búin að vera í innanhússlagsmálum allt kjörtímabilið, tví eða þriklofinn í herðar niður.

Annað feil: Hann lét eins og að hann væri „Geitin“ eða „Maðurinn“ og bjóst við að allir myndu hlaupa bara í fangið á sér og Sjálfstæðisflokknum ef hann smellti bara fingrunum. Hvað gerist? Flokkur fólksins segir fokkjú og aðrir virka ekkert voða spenntir enda Sjálfsttæðisflokkurinn jafn heillandi í samstarfi og sárasótt á versta stigi svo vægt sé til orða tekið um þann gamla nasistaflokk Spyrjið bara VG. Svo verður hann undrandi á því að enginn virðist halda að hann haldi bara borgarstjóratitlinum svona sí áfram.

Þriðja feil: hann ákveður að ljúga því til að þetta sé út af flugvallarmálinu sem er búið að röfla um í áratugi og verður röflað um í áratugi. Svo skiptir hann um kúrs og segir að þetta sé út af því að það hafi verið einhverjar mismunandi skoðanir á Sundabraut og hvar hún ætti að liggja. Sundabraut er ekki einu sinni að fara að láta sjá sig næstu árin, hvað þá næstu áratugi. Sundabrautin er nefnilega svona annað mál í limbó áratugum saman og verður í limbó áratugum saman. Allir aðrir sjá þetta sem panikkast yfir slæmu fylgi.

Fjórða feil: í viðtali hendir hann því fram að það hafi verið hótað meirihlutaslitum á hitafundi eftir að hann fór að míga utan í Sjálfstæðisflokkinn í vikunni. Enn sem komið er eru allavega tveir sem kannast ekkert við þetta og fleira sem á að vera sagt meðan hann er margsaga um allskonar.

Fimmta feil er bara svo beisík. Einar gerir þetta allt í sóló án þess að tala við samstarfsfólk sitt í borgarstjórn sem voru stödd á þorrablóti og höfðu enga hugmynd um. Formaður flokksins reynir svo að henda út björgunarlínu svo Einar drukkni ekki strax en skaðinn er skeður. Hvernig á samstarfsfólk hans að geta treyst Einari hvort sem það er innan flokks eða utan eftir svona hvatvísan einleik.

Sjötta feil er að láta einhverja spunameistara byrja að reyna að hanna þá atburðarrás í fjölmiðlum að þetta sé nú einhver snilld. Framsókn fái rými til að anda og þetta sé sigur fyrir hann á hvernig veg sem fer hvar hann endar innan borgarstjórnar. Sorrý, það er bara ekki að gera sig, þetta er engin snilld, þetta er kjánahrollslegt.

Sjöunda feil er svo að fara að tala um að honum hafi ekkert gengið illa að koma verkefnum í framkvæmd. Maður fer ósjálfrátt að hugsa um hvaða verkefni hann hefur verið að reyna að koma í framkvæmd. Eina sem ég man eftir að hann fór að berjast fyrir því að fyrirtæki færu að reka leikskóla fyrir starfsfólk sitt sem myndi gera það mjög undirgefið fyrirtækjunum, ég meina hver vill segja eitthvað ef það kostar bæði vinnuna og leikskólapláss barna sinna? Allavega er þetta einhver verklausasti borgstjóri sem maður man eftir, m.a.s. Ólafur F. gerði þó allavega eitthvað á þessum fáu mánuðum sem hann sat sem borgarstjóri á meðan Einar hefur ekki gert neitt.

Áttunda feil er að láta svo fólk rifja það upp að hann kastaði olíu á eldinn í kennaradeilur þegar hann var eitthvað að djamma með „gaurunum“ hjá Samtökum Atvinnulífsins eða víðlíka öfgasamtökum og gat ekki einu sinni fundið manndóm í sér að mæta kennurum eftirá til að ræða beint við þá. Í staðinn labbar forveri hans í fangið á storminum til að skera hann úr snörunni og ræðir málin með þeim afleiðingum að forverinn kemur út í dag sem mannasættir á meðan Einar fær þá lýsingu frá fyrrum formanni Kennarasambandsins að aðkoma Einars að kjaramálum kennara hafi verið álíka gagnleg og drepsótt.

Níundi feilinn er svo að halda að hann sé að fara að gera „bakkstabb“ aldarinnar í öllu sínum panik og yfirplottkasti. Það endar bara illa og verður til háðungar áratugum saman., ég hef t.d. þurft að þola grín í einhverja áratugi fyrir slíka yfirplottun í borðspili að vinahópurinn er enn að gera grín að mér, m.a.s. þeir sem voru ekki á staðnum en heyrt söguna.

En jæja, nóg í bili, ég bíð eftir næsta Klovn-þætti Einars Þorsteinssonar, gott neyðarlegt grín er jú borgarastjórastól betra.“