Cousins búin að semja við Þrótt

Þessi magnaða knattspyrnukona kemur til félagsins frá Val þar sem hún var frábær.

Hún ætti að þekkja sig vel hjá Þrótti enda er þetta í þriðja sinn sem hún semur við félagið. Hún fór fyrst þangað árið 2021 og svo aftur 2023. Það er því eiginlega orðin hefð að hún mæti í Þrótt annað hvort ár.

Cousins er búin að spila 58 leiki í Bestu deildinni með Val og Þrótti. Í þeim leikjum hefur hún skorað þrettán mörk og lagt upp heilan helling.

„Katie Cousins er án nokkurs vafa einn besti erlendi leikmaðurinn sem leikið hefur á Íslandi frá upphafi og sérstök ánægja að bjóða hana velkomna í Þrótt í þriðja sinn. Hún hefur jafnan sýnt sínar bestu hliðar í Laugardalnum og við hlökkum til að sjá hana í Þróttarbúningnum í sumar. Hún er griðarlega mikilvæg viðbót við Þróttarliðið og bætist við sterkan hóp sem ætlar sér stóra hluti á komandi tímabili,“ segir Kristján Kristjánsson, formaður knattspyrnudeildar Þróttar, í fréttatilkynningu.