Þingmannanefnd skipuð um rann­sókn á kosningu þing­manna

Fyrsti fundur nefndarinnar er á dagskrá klukkan 15.15 í dag.

Verkefni nefndarinnar verður að taka á móti umsögn landskjörstjórnar um kosningakærur, mat á kjörgengi nýkjörinna þingmanna og gildi ágreiningsseðla, sem og öðrum gögnum frá landskjörstjórn og yfirkjörstjórnum kjördæma um alþingiskosningarnar 30. nóvember 2024.

„Undirbúningsnefnd fer yfir framkomin gögn, aflar annarra gagna eftir því sem þörf er á og semur greinargerð um störf sín og tillögur,“ segir í tilkynningu frá Alþingi.

Það eru þingflokkarnir sem tilnefna nefndarmenn en þessir eiga sæti:

Dagur B. Eggertsson, Samfylkingu,

Hildur Sverrisdóttir, Sjálfstæðisflokki,

Eiríkur Björn Björgvinsson, Viðreisn,

Ragnar Þór Ingólfsson, Flokki fólksins,

Sigríður Á. Andersen, Miðflokki,

Kristján Þórður Snæbjarnarson, Samfylkingu,

Vilhjálmur Árnason, Sjálfstæðisflokki,

María Rut Kristinsdóttir, Viðreisn,

Ingibjörg Isaksen, Framsóknarflokki.

Hér má finna reglur um störf undirbúningsnefndarinnar.