Hlýnar með skúrum og slydduéljum

Þetta kemur fram í hugleiðingum veðurfræðings Veðurstofunnar í dag. Þar segir að veðurbreytingarnar megi rekja til vaxandi lægðar á Grænlandssundi.

Í kvöld fari svo að kólna vestanlands og úrkoman verði þá éljakenndari. Á morgun verður svo vestan og suðvestan kaldi eða strekkingur og él, en þurrt austantil. Eftir hádegi dregur svo smám saman úr vindi. Frost víða 0 til 5 stig.

Nokkuð greiðfært virðist um allt land en þó snjóþekja, hálka og hálkublettir víða. 

Nánar um veður á vef Veðurstofunnar og færð vega á vef Vegagerðarinnar. 

Veðurhorfur á landinu næstu daga

Á sunnudag:

Vestan og suðvestan 8-15 m/s og él, en úrkomulítið austantil. Lægir norðanlands eftir hádegi. Frost víða 0 til 5 stig.

Á mánudag:

Suðvestlæg eða breytileg átt 3-10 og él, en þurrt um landið austanvert. Frost 0 til 12 stig, kaldast norðaustantil.

Á þriðjudag:

Sunnan og suðaustan 5-13 og él, en þurrt norðaustanlands. Vægt frost. Vaxandi norðaustanátt um kvöldið og allvíða snjókoma eða slydda.

Á miðvikudag:

Útlit fyrir hvassa norðanátt með snjókomu eða slyddu, einkum norðan- og austanlands. Hiti nálægt frostmarki.

Á fimmtudag:

Minnkandi norðanátt og þurrt að kalla, en él á Norðaustur- og Austurlandi. Kólnar í veðri. Snýst í suðaustanátt um kvöldið með snjókomu eða slyddu sunnan- og vestantil.

Á föstudag:

Suðvestlæg eða breytileg átt og allvíða skúrir eða él.