Erum við að byggja orlofsbúðir fyrir út­sendara skipu­lagðra glæpa­sam­taka hér á landi?

Það var frétt á Dv.is sem ég las föstudaginn 29.11.2024 með fyrirsögninni: Mohamed og Sunneva hljóta þunga dóma fyrir stórfellt fíkniefnalagabrot – bræður undir lögaldri sóttu pakkann.

Í dómnum kom fram að Mohamed var í september 2019 dæmdur í áfrýjunarrétti Vestur-Svíþjóðar í átján mánaða fangelsi fyrir eiturlyfjasmygl og jafnframt vísað frá Svíþjóð og bönnuð endurkoma fyrir 7. október 2024. Samkvæmt sakavottorði var hann í júní 2021 dæmdur á Íslandi í þriggja ára fangelsi fyrir stórfellt fíkniefnalagabrot.

Ég ætla í þessu samhengi að minna á ályktun lögreglufélaga á Norðurlöndum og grein sem birtist á visi.is„Sænska ástandið“ orðið að norrænu.

Halda menn í alvörunni að Landamæri skipti þessa menn einhverju máli í dag? Það er bara Kid stuf fyrir þessi lið sem stunda skipulagða glæpastarfsemi hér á alþjóðavísu, þeir eru fyrir löngu síðan búnir að koma sér fyrir hér á landi og hafa alla stjórn nú þegar og þeir hlægja að okkur og hvað yfirvöld eru miklir molbúar í því að stemma stigu við skipulagðri glæpastarfsemi hér á landi og taka því fagnandi að við skulum vera að ráðast í að byggja orlofsbúðir fyrir þá.

Eru ungmenni flækt í skipulagða glæpastarfsemi?

Eins og kemur fram í fréttinni er þessi erlendi maður að fá sinn annan dóm fyrir stórfellt fíkniefnasmygl hér á landi, fyrir utan það hefur hann hlotið dóm í Svíþjóð fyrir sömu brot. Hvernig stendur þá á því að honum er ekki vísað úr landi og á aldrei afturkvæmt hingað til lands, sem hefði átt að gerast eftir fyrsta dóminn sem hann fær hér á landi? Fyrir utan það að þetta sé innflutningur á fíkniefnum þá blandar hann ólögráða einstaklingum í málið og það hefði líka verið forvitnilegt að vita hvers lenskir þeir voru en það kemur ekki fram í fréttinni. Er hugsanlegt að skipulögð glæpastarfsemi sé farin að ná niður til ólögráða einstaklinga hér á landi eins og á hinum Norðurlöndunum? Getur verið að ályktun lögreglufélaga á Norðurlöndunum eigi við rök að styðjast „Sænska ástandið“ orðið að norrænu?

Svona maður eins og þessi sem kemur hingað til lands með einbeittan brotavilja á ekkert erindi hingað að mínu mati. Af hverju andskotanum fékk hann ekki, í ljósi sögunnar sem hann hefur frá Svíþjóð, ekki frímerki á rassgatið eftir afplánun og var sparkaður úr landi eftir fyrsta dóminn og bannaður frá landinu til eilífðar? Það ætti ekki að vera mikið vandamál í ljósi þess að samvinna lögregluyfirvalda á Norðurlöndum á að vera svo góð? Eða er það bara helbær lygi í raunveruleikanum og okkur bara talið trú um það á hátíðisdögum eða rétt fyrir kosningar, getur það verið?

Þetta er svo lýsandi fyrir hvað landamærin okkar hafa verið veik í gegnum árin og allt þetta röfl um að lögreglan megi ekki fá rannsóknarheimildir eða bera vopn, sem þessi skipulögðu glæpasamtök hafa svo sannarlega undir höndum og að sérsveitin hafi farið í tólf sinnum fleiri vopnuð útköll á síðasta ári miðað við fyrir tíu árum. Halda menn að það sé tilviljunin ein sem ráði því? Allar þær tafir sem eru á málsmeðferð vegna þess hvað lögreglan er fámenn, eru það til tekna fyrir þessi glæpasamtök? Geta þessir skipulögðu glæpamenn fengið dýrustu lögfræðinga landsins? Svo er dómskerfið okkar líka í engum tengslum við þann veruleika sem við erum að glíma við í dag eins og þetta dæmi sýnir svo glöggt!

Erlendir glæpamenn sem leggjast á skattgreiðendur

Núna er þessi glæpamaður, sem er greinilega með einbeittan brotavilja, að fara að leggjast upp á okkur skattgreiðendur næstu árin á meðan hann dvelur í fangelsi hér á landi og síðast þegar ég vissi borga skattgreiðendur það. Og miðað við tímann sem hann er búinn að vera hér á landi þá að afloknum dómi gæti hann sótt um ríkisborgararétt hér á landi og það kæmi mér heldur ekki á óvart að hann fengi það út frá mannúðarsjónarmiðum og aumingjavæðingu. Annað eins hefur gerst hér á landi áður. Ber okkur einhver skylda til að mennta hann innan veggja fangelsanna á meðan hann situr inni? Í mínum huga er svarið við því nei, hann á að sitja dóminn af sér og svo með fyrsta flug burt héðan og má aldrei koma hingað til lands aftur, að öðrum kosti erum við að leyfa skipulagðri glæpastarfsemi að þrífast hér á landi eins og þetta mál sýnir svart á hvítu.

Hefði ég farið fram í þessum kosningum, sem ég hugleiddi á sínum tíma, hefði þetta verið efst á forgangslistanum hjá mér, að losa okkur við þessa áþján er alla vegana ekki auðveldað þeim vistina hér á landi. Nú eru flestir byrjaðir að flokka ruslið heima hjá sér en hvað með þennan málaflokk? Þarf ekki að fara að flokka ruslið í þessum málaflokki og losa það sem er ekki endurvinnanlegt úr landi? Linkenndin og aumingjagangur gagnvart þessum erlendu glæpamönnum hér á landi nær hér nýjum hæðum. Ef hann hefði verið tekinn í landi eins og Tælandi með yfir 100 gr. af svona fíkniefnum sem hann var að flytja hingað til lands hefði beðið hans lífstíðardómur eða dauðadómur. Hann hefði aldrei fengið vist í svona fangelsi eins og við bjóðum upp á, hvað þá í Miðausturlöndum. Nýja fangelsið okkar á að kosta 17 milljarða fyrir 128 fanga. Haldið þið að í Mið-Austur-Asíu væri byggt 17 milljarða fangelsi fyrir svona tegund af erlendum glæpamanni og hann fengi sér herbergi eða fengi að fara í skóla á kostnað skattgreiðenda?

Það eiga ekki að vera nein vettlingatök í boði fyrir svona tegund glæpamanna hér á landi að mínu mati. Þeir hafa fyrir löngu síðan fyrirgert öllum sínum réttindum hér á landi og verðskulda ekkert frá íslenskum skattgreiðendum.

Úr landi með ruslið

Í staðinn á að innleiða nýja hefð, að dæma unga afbrotamenn til uppbyggilegrar réttvísi, og það á að gerast sjálfkrafa þegar ungir afbrotamenn eiga í hlut. Eins ef erlendur ríkisborgari er að flytja inn eiturlyf hingað til lands eða er hér gagngert til að fremja afbrot eða verður uppvís að alvarlegu ofbeldi á viðkomandi að lokinni afplánun að fara úr landi og á aldrei að fá að stíga fæti inn á íslenskri grund framar. Það á ekki að veita neina sénsa, annars erum við að skapa jarðveg fyrir skipulagða glæpastarfsemi hér á landi á kostnað íslenskra skattgreiðenda.

Verndum ungmenni okkar

Þetta eigum við að gera fyrst og fremst til að vernda ungmennin okkar. Það á að fækka erlendum föngum til muna hér á landi svo við þurfum ekki að byggja orlofsbúðir fyrir þá sem íslensk fangelsi eru í augum þessara manna í samanburði við þau fangelsi frá þeim löndum sem þeir koma frá. Nýja fangelsið okkar kallast Stóra-Hraun og á að kosta 17 milljarða. Við gætum byggt nýtt fangelsi fyrir 10 milljarða og sett restina í það að byggja sérhæft meðferðarheimili fyrir ungmenni sem Framsóknarflokkurinn lofaði okkur 2018 sem hefur ekkert orðið úr hér á landi til að koma í veg fyrir að þau feti ekki afbrotaveginn í framtíðinni. Innleiða uppbyggilega réttvísi „youth offending team“. Setjum aur í vinnu með unga afbrotamenn, sem er miklu ódýrara til lengri tíma en að byggja 17 milljarða orlofsbúðir fyrir erlenda afbrotamenn, kennum drengjum að lesa, þá fyrst held ég að við förum að sjá fækkun afbrota hér á landi.

Þetta nýja fangelsi á eftir að vera yfirsetið af erlendum glæpamönnum í framtíðinni með svona vinnubrögðum sem eru í gangi í dag. Það er perexilans aumingjagangur að geta ekki bundið þannig um hnútana að það sé ekki hægt að losna við svona óáran úr landi að lokinni afplánun. Ef við myndum taka fastar á þessum málum þá ættu erlend skipulögð glæpasamtök í meiri erfiðleikum með að þrífast hér á landi. Förum í tiltekt, flokkum ruslið, og förum úr landi með þessa erlendu glæpamenn.

Höfundur er áhugamaður um betra Ísland og Miðflokksmaður.