Basile verið kallaður röngu nafni í fjögur ár

Umsjónarmenn þáttarins fengu send myndbönd frá hátt í tuttugu leikmönnum deildarinnar en stundum vefst þetta fyrir landanum og einnig fyrir þeim sem fjalla um íþróttina og lýsa leikjum.

En eitt nafn stóð sannarlega upp úr. Dedrick Deon Basile hefur verið hér á landi sem atvinnumaður í körfubolta í fjögur ár. Fyrst hjá Þór Akureyri, því næst fór hann í Njarðvík þar sem hann lék með liðinu í tvö tímabil og á síðasta tímabili spilaði hann með Grindvíkingum. Hann er í dag leikmaður Tindastóls.

En hvernig nafnið hans er borið fram er önnur saga. Það hefur í raun verið ranglega borið fram öll fjögur árin eins og kom fram í þættinum á föstudagskvöldið. Hér að neðan má sjá innslagið sem var í síðasta þætti.