Innlent

Sósíal­istar færu ekki í stjórn sem ætlaði að selja Ís­lands­banka

Heimir Már Pétursson skrifar
Sósíalistar stefna að því að öll heilbrigðisþjónustu ásamt framhalds- og háskólamenntun verði gjaldfrjáls.
Sósíalistar stefna að því að öll heilbrigðisþjónustu ásamt framhalds- og háskólamenntun verði gjaldfrjáls. Vísir/Vilhelm

Sanna Magdalena Mörtudóttir oddviti Sósíalistaflokksins í Reykjavík segir aukna skattheimtu af fjármagnstekjum og á þá efnamestu eiga að standa undir gjaldfrjálsum framhalds- og háskólum, gjaldfrjálsri heilbrigðisþjónustu og upptöku styrkja í stað námslána.

Innkalla ætti allar veiðiheimildir og sjómenn og fólkið í byggðum landsins móti nýtt fyrirkomulag á útdeilingu heimildanna. Sósíalistaflokkurinn telji einnig eðlilegt að þjóðin greiði atkvæði um áframhaldandi veru Íslands í Atlantshafsbandalaginu.

Flokkurinn á möguleika á að ná mönnum á þing samkvæmt nýrri könnun Maskínu þar sem hann Sósíalistaflokkurinn mælist með 6,2 prósent.

Segjum sem svo að einhverja tvo flokka vanti þrjá til fjóra þingmenn og þið væruð með þá. Hvaða stóru skilyrði mynduð þið setja fyrir því að fara í ríkisstjórn?

Sanna segir Sósíalistaflokkinn ekki fara í ríkisstjórn sem stefni að áframhaldandi sölu á Íslandsbanka.Vísir/Vilhelm

„Við erum auðvitað með sýn um að við byggjum hér upp á félagslegum forsendum. Með almannahag að leiðarljósi. Við viljum að sjálfsögðu sjá félagshyggjustjórn, vinstristjórn. Það eru okkar áherslur. Svo ég nefni bara sem dæmi um hvað sósíalistar eru ekki að fara að taka þátt í, er til dæmis að einkavæða banka. Selja Íslandsbanka.“

Þannig að þið mynduð ekki fara í ríkisstjórn sem héldi því til streitu að selja Íslandsbanka?

„Nei,“ sagði Sanna Magdalena Mörtudóttir í Samtalinu með Heimi Má á Stöð 2 í kvöld. Þáttinn má sjá í heild sinni í spilaranum hér fyrir neðan:

Samtalið Alþingiskosningar 2024 Alþingi Ríkisstjórn Bjarna Benediktssonar Ríkisstjórn Katrínar Jakobsdóttur (2017-2024) Sósíalistaflokkurinn Salan á Íslandsbanka

Tengdar fréttir

Ríkisstjórnin bjó sjálf til flóttamannavandamál

Þingflokksformaður Pírata telur að boða ætti til þjóðaratkvæðagreiðslu sem fyrst um hvort aðildarviðræðum við Evrópusambandið verði haldið áfram. Ríkisstjórnin hafi með ósanngirni búið til flóttamannavandamál úr hælisleitendum frá Venesúela sem hún hafi fyrst boðið til landsins og svo ákveðið að reka á brott með ærnum tilkostnaði. Píratar stefni að því að komast í ríkisstjórn að loknum kosningum.

Kallar eftir um­boði þjóðarinnar til breytinga

Hún kom eins og óskrifað blað inn í íslensk stjórnmál fyrir alþingiskosningarnar 2021 og var orðin formaður Samfylkingarinnar um ári síðar. Fljótlega varð ljóst að hún var stjórnmálamaður af annarri skúffu en flestir. Hún ferðaðist um landið með opna fundi og upp úr þeim ferðum mótaði hún nýja stefnu fyrir Samfylkinguna sem var nálægt því að þurrkast út í kosningunum 2016.

Þakklát fyrir að missa ekki sjónina síðar á ævinni

Inga Sæland formaður og stofnandi Flokks fólksins gerir lítið úr væringum innan flokksins nú þegar hún leiðir hann í fjórða sinn í kosningum til Alþingis. Tveir áberandi þingmenn í forystu flokksins, Tómas A. Tómasson í Reykjavíkurkjördæmi norður og Jakob Frímann Magnússon í Norðausturkjördæmi, fengu ekki brautargengi til að leiða flokkinn í kjördæmum sínum.

For­maður Fram­sóknar segir ríkis­stjórnina hafa talað sjálfa sig niður

Sigurður Ingi Jóhannsson formaður Framsóknarflokksins hefur lagt sjálfan sig að veði í komandi alþingiskosningum með því að taka annað sæti á lista flokksins í Suðurkjördæmi. Þar með baráttusætið því flokkurinn hefur ekki mælst með mann inni úr kjördæminu í nýjustu könnunum.

Ísland má ekki vera söluvara erlendra glæpagengja

Sigmundur Davíð Gunnlaugsson formaður Miðflokksins vill að allir þeir sem koma að landmærum Íslands til að sækja um hæli verði tafarlaust sendir til baka. Þeir missi jafnframt réttinn til að sækja um vernd á Íslandi. Þá væri ekki hægt að ætlast til að Íslendingar aðlagi sig að menningu og siðum þeirra sem hingað flytja, heldur verði fólk sem vilji búa hér að aðlaga sig að íslensku samfélagi.

Þorgerður Katrín: Enginn ráðskonurass undir fólki í Viðreisn

Þorgerður Katrín Gunnarsdóttir formaður Viðreisnar er keppniskona með mikla reynslu af stjórnmálum og er kominn í hlaupaskóna fyrir næstu alþingiskosningar. Hún segir engann „ráðskonurass undir fólki í Viðreisn," sem taki almannahagsmuni fram yfir sérhagsmuni.   Þegar Benedikt Jóhannesson, aðalhvatamaður að stofnun Viðreisnar og fyrsti formaður flokksins, sagði af sér formennskunni aðeins sautján dögum fyrir kosningarnar 2017, stökk Þorgerður Katrín upp í brú á þessu nýsjósetta skipi í ólgusjó íslenskra stjórnmála og kom því í höfn.

Brotthvarf Katrínar hafði mikil áhrif

Svandís Svavarsdóttir er staðráðin í að Vinstrihreyfingin grænt framboð nái fulltrúum á þing í næstu alþingiskosningum þótt kannanir að undanförnu sýni að þar verði á brattan að sækja. Í Samtalinu á Vísi á fimmtudag fór hún yfir erindi hreyfingarinnar, stjórnarsamstarfið með Sjálfstæðisflokki og Framsókn í sjö ár og hvaða mál það eru sem hún telur mikilvægt að ná í gegn á Alþingi fyrir kosningar.

Maður margra storma íhugar stöðu sína

Bjarni Benediktsson hefur í fyrsta sinn opinberlega greint frá því að hann íhugi nú stöðu sína eftir fimmtán ár í formannsstóli Sjálfstæðisflokksins. Hann geri sér grein fyrir að dagur ákvörðunar renni upp innan hálfs árs, eða fyrir landsfund flokksins sem fram fer um mánaðamótin febrúar-mars á næsta ári. Ef til vill væri kominn tími til að hleypa nýju blóði inn í forystu flokksins.

Mest lesið


Fleiri fréttir

Sjá meira


×

Mest lesið