Ráðnir for­stöðu­menn hjá OK

Í tilkynningu segir að Karl Óskar Kristbjarnarson hafi verið ráðinn forstöðumaður viðskiptastýringar í skýja- og rekstrarþjónustu. 

„Karl Óskar er með B.Sc. í viðskiptafræði frá Háskólanum í Reykjavík. Karl kemur til OK eftir samruna upplýsingasviðs TRS við OK og hefur auk þess mikla reynslu af því að vera deildarstjóri upplýsingatæknisviðs í fyrra starfi.

Kristján Aðalsteinsson tekur við sem forstöðumaður vef- og hugbúnaðarlausna. Kristján er með MBA frá Háskóla Íslands. Hann er einnig menntaður stjórnenda-markþjálfi frá Háskóla Íslands. Kristján kemur með reynslu af sölu og verkstýringu frá Gangverk og hefur í fjölda ára byggt upp teymi hérlendis og erlendis í handbolta.

Þorvaldur Finnbogason hefur verið ráðinn forstöðumaður kerfislausna. Hann er með meistaragráðu í stjórnun og stefnumótun frá Háskóla Íslands. Þorvaldur er upplýsingatækniheiminum vel kunnur og hefur unnið lengi hjá OK í viðskiptastýringu og vöruþróun, áður var hann meðal annars í viðskiptastýringu hjá Þekkingu og yfirmaður þjónustusviðs hjá Símafélaginu,“ segir í tilkynningunni.

OK sérhæfir sig í sölu og ráðgjöf á tæknilausnum og tengdri þjónustu við mörg stærstu fyrirtæki landsins og stofananir sem og alþjóðleg fyrirtæki.