Sjálfs­mark skaut Juvents á toppinn

Alessio Romagnoli fékk að líta gula spjaldið á 23. mínútu en því var svo breytt í rautt eftir skoðun í Varsjánni. Eftir þetta fóru gestirnir varla í sókn en Lazio átti tvær marktilraunir í leiknum, gegn 16 tilraunum heimamanna í Juventus.

Eina mark leiksins reyndist þó sjálfsmark og það kom ekki fyrr en á 85. mínútu þegar Mario Gila Fuentes stýrði fyrirgjöf í eigið net.

Juventus fer því á topp deildarinnar með 16 stig, líkt og Napoli, en Napoli á leik til góða á morgun þegar liðið sækir Empoli heim.

Önnur úrslit í Seríu A í dag

Como - Parma 1-1

Genoa - Bologna 2-2

Milan - Udinese 1-0