Minnihlutastjórn tekur væntanlega við völdum á morgun Heimir Már Pétursson skrifar 16. október 2024 21:11 Starfsstjórnin sem forseti Íslands skipaði í gær lætur af völdum á morgun aðeins tveimur sólarhringum eftir að hún var skipuð. Vísir/Vilhelm Allt útlit er fyrir að tveggja flokka minnihlutastjórn Sjálfstæðisflokks og Framsóknarflokks taki við völdum á ríkisráðsfundi á Bessastöðum á morgun. Þar með lýkur tveggja daga stjórn starfsstjórnar undir forsæti Bjarna Benediktssonar. Fyrsti og væntanlega síðasti ríkisstjórnarfundur starfsstjórnarinnar fór fram í dag. Þar staðfestu Svandís Svavarsdóttir innviðaráðherra, Guðmundur Ingi Guðbrandsson félags- og vinnumarkaðsráðherra og Bjarkey Olsen Gunnarsdóttir matvælaráðherra, að þau hefðu ákveðið að segja af sér ráðherraembættum. Svarað í véfréttastíl Þessi afstaða ráðherranna og þingflokks Vinstri grænna hefur verið ljós frá því áður en Bjarni Benediktsson baðst lausnar fyrir sig og ráðuneyti sitt á fundi með Höllu Tómasdóttur forseta Íslands á Bessastöðum í gær. Engu að síður voru þau munstruð í starfsstjórn fráfarandi ríkisstjórnar Sjálfstæðisflokks, Framsóknarflokks og Vinstri grænna sem var með drjúgan meirihluta 38 þingmanna. Svandís og Bjarni að loknum eina ríkisstjórnarfundi starfstjórnarinnarVísir/Vilhelm Bæði forsetinn og forsætisráðherra svöruðu í véfréttastíl þegar þau voru spurð á Bessastöðum í gær hvort Vinstri græn ætluðu að vera með í starfsstjórninni. Ekki var haldinn ríkisráðsfundur strax eftir að Bjarni óskaði lausnar og áður en starfsstjórnin var skipuð til að staðfesta þingstyrk væntanlegrar stjórnar. Þessi staðreynd mun koma fram á ríkisráðsfundi sem boðaður hefur verið á Bessastöðum klukkan 18 á morgun. Þá mun starfsstjórnin missa átta þingmenn og eftir sitja þrjátíu þingmenn Sjálfstæðisflokks og Framsóknarflokks í leifunum af fyrri ríkisstjórn Bjarna Benediktssonar. Boðað hefur verið til ríkisráðsfundar klukkan sex annað kvöld.Vísir/Vilhelm Óvissa um afgreiðslu fjárlaga Miðað við atburðarás síðustu þriggja sólarhringa bendir allt til að forseti Íslands muni á öðrum ríkisráðsfundi strax að loknum hinum fyrri, biðja Bjarna að sitja sem forsætisráðherra í minnihlutastjórn ráðherra Sjálfstæðisflokks og Framsóknarflokks fram að kosningum. Kosningum sem forseti Íslands hefur þegar staðfest með samþykki þingrofstillögu Bjarna frá í gær að fari fram hinn 30. nóvember. Minnihlutastjórnin getur ákveðið að gera fjárlagafrumvarpið og ef til vill fleiri mál fyrri ríkisstjórnar Bjarna Benediktssonar að sínum og freistað þess að fá þau afgreidd fyrir kosningar. Nú þarf ríkisstjórnin hins vegar að semja um afgreiðslu allra mála á þinginu, þótt Bjarni hafi sagt í gær að hann tryði því ekki að þingmenn sem stóðu að baki þessum frumvörpum fyrir þremur dögum ætli nú að snúast gegn þeim. Og kannski verður það niðurstaðan. Halla Tómasdóttir forseti Íslands varð bæði við þingrofsbeiðni Bjarna Benediktssonar og lausnarbeiðni hans í gær.Vísir/Vilhelm Þingfundir í kosningabaráttu Allir sem fylgjast með stjórnmálum vita hins vegar að fjárlagafrumvarp í stjórnarsamstarfi tveggja til fleiri flokka byggir á mörgum málamiðlunum. Það ættu þingmenn fyrrverandi stjórnarflokka að vita manna best eftir sjö ára samstarf mjög ólíkra flokka. Nú þegar kosningabaráttan er komin á fulla ferð má því telja líklegt að allir flokkar á Alþingi vilji með einhverjum hætti setja mark sitt á fjárlagafrumvarpið til að undirstrika stefnumál sín. En kannski liggur flokkunum svo á að yfirgefa þingstörfin fyrir kosningabaráttuna að þeir hleypa fjárlagafrumvarpinu umræðulítið í gegn og sitja hjá í atkvæðagreiðslum. Sigurður Ingi Jóhansson fjármálaráðherra mun einnig taka við innviðaráðuneytinu.Vísir/Vilhelm Það á því eftir að koma í ljós hvort minnihlutastjórnin sem tekur væntanlega við á morgun eigi eftir að sigla lygnan sjó eða hvort tekist verði á um fjárlagafrumvarpið. Svo gæti farið að ekkert samkomulag náist um það á þeim vikum sem eru fram að kosningum og það bíði nýs þings að loknum kosningum að koma saman fjárlögum fyrir næsta ár. Ekki skal þó útlokað að Sjálfstæðisflokki og Framsóknarflokki takist að auka þingstyrk sinn með annað hvort innkomu tveggja eða fleiri þingmanna í stjórnina til að ná meirihluta á Alþingi. Stjórnarflokkarnir gætu einnig samið um að einhver flokkur eða flokkar og jafnvel bara tveir þingmenn verji stjórnina falli og /eða styðji afgreiðslu fjárlagafrumvarps fyrir kosningar. Fréttaskýringar Ríkisstjórn Bjarna Benediktssonar Alþingi Sjálfstæðisflokkurinn Framsóknarflokkurinn Vinstri græn Alþingiskosningar 2024 Mest lesið Faðirinn hafi ætlað að skilja hann eftir á flugvellinum Innlent „Falsfréttin“ og „þvælan“ sem raungerðist hratt Innlent „Ég er viss um að hann mundi allt sem gerðist þetta kvöld“ Innlent Sigurður Ingi fær innviðaráðuneytið og Bjarni hin tvö Innlent Klófestu leigumorðingja sem dulbjó sig sem gamlan mann Erlent Dagur bað kennara afsökunar titrandi röddu Innlent Rúmar þrjár milljónir króna á hvert gæludýr úkraínskra flóttamanna Innlent Getur ekki orða bundist yfir útspili Vinstri grænna Innlent Aðstoðarmenn ráðherra þurfa nú að líta í kringum sig Innlent Nýr aðstoðarmaður rétt fyrir ríkisstjórnarslit Innlent Fleiri fréttir Sendur í leyfi eftir umfjöllun Kveiks Aldursforsetinn hvergi af baki dottinn Þórunn og Guðmundur Árni munu bítast um oddvitasætið Uppstillingar á báðum listum í Reykjavík Oddný ætlar ekki aftur fram Minnihlutastjórn tekur væntanlega við völdum á morgun Sigþrúður Ármann sækist eftir fjórða sæti Kragans „Þetta er einhver leikur sem menn ákváðu að spila“ Hinsti fundur ríkisstjórnar og uppstokkun hjá Play Skýr skilaboð um að hún vilji verða formaður Steinunn Þóra gefur ekki kost á sér Stemningin „eftir atvikum ágæt“ Óli Björn hættir á þingi „Ef allir gerðu þetta væri landið stjórnlaust“ Teitur Björn vill setjast í laust sæti Þórdísar Sigurður Ingi fær innviðaráðuneytið og Bjarni hin tvö Þórdís vill sæti Jóns í kjördæmi formannsins Hildur leiðir aðgerðahóp forsætisráðherra um að brúa bilið Aðstoðarmenn ráðherra þurfa nú að líta í kringum sig Fimm milljarða dómur ekki talinn varða mikilvæga hagsmuni Guðmundur Ingi vill fara fram fyrir Samfylkinguna Opna Grindavík öllum eftir helgi Þingflokkarnir funda hver í sínu horni Bæjarstjórinn íhugar alvarlega að bjóða fram krafta sína Bein útsending: Verður Grindavík opnuð fyrir öllum? „Kemur í ljós“ hvort boðaðir ráðherrar mæti Vill vera oddviti áfram og hlakkar til slagsins Útilokar ekkert en mundar tuskuna gegn smjörklípunum Sjálfstæðismenn kjósa um efstu sæti á lista á landsbyggðinni Stefna kennurum fyrir félagsdóm Sjá meira
Fyrsti og væntanlega síðasti ríkisstjórnarfundur starfsstjórnarinnar fór fram í dag. Þar staðfestu Svandís Svavarsdóttir innviðaráðherra, Guðmundur Ingi Guðbrandsson félags- og vinnumarkaðsráðherra og Bjarkey Olsen Gunnarsdóttir matvælaráðherra, að þau hefðu ákveðið að segja af sér ráðherraembættum. Svarað í véfréttastíl Þessi afstaða ráðherranna og þingflokks Vinstri grænna hefur verið ljós frá því áður en Bjarni Benediktsson baðst lausnar fyrir sig og ráðuneyti sitt á fundi með Höllu Tómasdóttur forseta Íslands á Bessastöðum í gær. Engu að síður voru þau munstruð í starfsstjórn fráfarandi ríkisstjórnar Sjálfstæðisflokks, Framsóknarflokks og Vinstri grænna sem var með drjúgan meirihluta 38 þingmanna. Svandís og Bjarni að loknum eina ríkisstjórnarfundi starfstjórnarinnarVísir/Vilhelm Bæði forsetinn og forsætisráðherra svöruðu í véfréttastíl þegar þau voru spurð á Bessastöðum í gær hvort Vinstri græn ætluðu að vera með í starfsstjórninni. Ekki var haldinn ríkisráðsfundur strax eftir að Bjarni óskaði lausnar og áður en starfsstjórnin var skipuð til að staðfesta þingstyrk væntanlegrar stjórnar. Þessi staðreynd mun koma fram á ríkisráðsfundi sem boðaður hefur verið á Bessastöðum klukkan 18 á morgun. Þá mun starfsstjórnin missa átta þingmenn og eftir sitja þrjátíu þingmenn Sjálfstæðisflokks og Framsóknarflokks í leifunum af fyrri ríkisstjórn Bjarna Benediktssonar. Boðað hefur verið til ríkisráðsfundar klukkan sex annað kvöld.Vísir/Vilhelm Óvissa um afgreiðslu fjárlaga Miðað við atburðarás síðustu þriggja sólarhringa bendir allt til að forseti Íslands muni á öðrum ríkisráðsfundi strax að loknum hinum fyrri, biðja Bjarna að sitja sem forsætisráðherra í minnihlutastjórn ráðherra Sjálfstæðisflokks og Framsóknarflokks fram að kosningum. Kosningum sem forseti Íslands hefur þegar staðfest með samþykki þingrofstillögu Bjarna frá í gær að fari fram hinn 30. nóvember. Minnihlutastjórnin getur ákveðið að gera fjárlagafrumvarpið og ef til vill fleiri mál fyrri ríkisstjórnar Bjarna Benediktssonar að sínum og freistað þess að fá þau afgreidd fyrir kosningar. Nú þarf ríkisstjórnin hins vegar að semja um afgreiðslu allra mála á þinginu, þótt Bjarni hafi sagt í gær að hann tryði því ekki að þingmenn sem stóðu að baki þessum frumvörpum fyrir þremur dögum ætli nú að snúast gegn þeim. Og kannski verður það niðurstaðan. Halla Tómasdóttir forseti Íslands varð bæði við þingrofsbeiðni Bjarna Benediktssonar og lausnarbeiðni hans í gær.Vísir/Vilhelm Þingfundir í kosningabaráttu Allir sem fylgjast með stjórnmálum vita hins vegar að fjárlagafrumvarp í stjórnarsamstarfi tveggja til fleiri flokka byggir á mörgum málamiðlunum. Það ættu þingmenn fyrrverandi stjórnarflokka að vita manna best eftir sjö ára samstarf mjög ólíkra flokka. Nú þegar kosningabaráttan er komin á fulla ferð má því telja líklegt að allir flokkar á Alþingi vilji með einhverjum hætti setja mark sitt á fjárlagafrumvarpið til að undirstrika stefnumál sín. En kannski liggur flokkunum svo á að yfirgefa þingstörfin fyrir kosningabaráttuna að þeir hleypa fjárlagafrumvarpinu umræðulítið í gegn og sitja hjá í atkvæðagreiðslum. Sigurður Ingi Jóhansson fjármálaráðherra mun einnig taka við innviðaráðuneytinu.Vísir/Vilhelm Það á því eftir að koma í ljós hvort minnihlutastjórnin sem tekur væntanlega við á morgun eigi eftir að sigla lygnan sjó eða hvort tekist verði á um fjárlagafrumvarpið. Svo gæti farið að ekkert samkomulag náist um það á þeim vikum sem eru fram að kosningum og það bíði nýs þings að loknum kosningum að koma saman fjárlögum fyrir næsta ár. Ekki skal þó útlokað að Sjálfstæðisflokki og Framsóknarflokki takist að auka þingstyrk sinn með annað hvort innkomu tveggja eða fleiri þingmanna í stjórnina til að ná meirihluta á Alþingi. Stjórnarflokkarnir gætu einnig samið um að einhver flokkur eða flokkar og jafnvel bara tveir þingmenn verji stjórnina falli og /eða styðji afgreiðslu fjárlagafrumvarps fyrir kosningar.
Fréttaskýringar Ríkisstjórn Bjarna Benediktssonar Alþingi Sjálfstæðisflokkurinn Framsóknarflokkurinn Vinstri græn Alþingiskosningar 2024 Mest lesið Faðirinn hafi ætlað að skilja hann eftir á flugvellinum Innlent „Falsfréttin“ og „þvælan“ sem raungerðist hratt Innlent „Ég er viss um að hann mundi allt sem gerðist þetta kvöld“ Innlent Sigurður Ingi fær innviðaráðuneytið og Bjarni hin tvö Innlent Klófestu leigumorðingja sem dulbjó sig sem gamlan mann Erlent Dagur bað kennara afsökunar titrandi röddu Innlent Rúmar þrjár milljónir króna á hvert gæludýr úkraínskra flóttamanna Innlent Getur ekki orða bundist yfir útspili Vinstri grænna Innlent Aðstoðarmenn ráðherra þurfa nú að líta í kringum sig Innlent Nýr aðstoðarmaður rétt fyrir ríkisstjórnarslit Innlent Fleiri fréttir Sendur í leyfi eftir umfjöllun Kveiks Aldursforsetinn hvergi af baki dottinn Þórunn og Guðmundur Árni munu bítast um oddvitasætið Uppstillingar á báðum listum í Reykjavík Oddný ætlar ekki aftur fram Minnihlutastjórn tekur væntanlega við völdum á morgun Sigþrúður Ármann sækist eftir fjórða sæti Kragans „Þetta er einhver leikur sem menn ákváðu að spila“ Hinsti fundur ríkisstjórnar og uppstokkun hjá Play Skýr skilaboð um að hún vilji verða formaður Steinunn Þóra gefur ekki kost á sér Stemningin „eftir atvikum ágæt“ Óli Björn hættir á þingi „Ef allir gerðu þetta væri landið stjórnlaust“ Teitur Björn vill setjast í laust sæti Þórdísar Sigurður Ingi fær innviðaráðuneytið og Bjarni hin tvö Þórdís vill sæti Jóns í kjördæmi formannsins Hildur leiðir aðgerðahóp forsætisráðherra um að brúa bilið Aðstoðarmenn ráðherra þurfa nú að líta í kringum sig Fimm milljarða dómur ekki talinn varða mikilvæga hagsmuni Guðmundur Ingi vill fara fram fyrir Samfylkinguna Opna Grindavík öllum eftir helgi Þingflokkarnir funda hver í sínu horni Bæjarstjórinn íhugar alvarlega að bjóða fram krafta sína Bein útsending: Verður Grindavík opnuð fyrir öllum? „Kemur í ljós“ hvort boðaðir ráðherrar mæti Vill vera oddviti áfram og hlakkar til slagsins Útilokar ekkert en mundar tuskuna gegn smjörklípunum Sjálfstæðismenn kjósa um efstu sæti á lista á landsbyggðinni Stefna kennurum fyrir félagsdóm Sjá meira