Fótbolti

Pogba má spila á nýjan leik í mars 2025

Runólfur Trausti Þórhallsson skrifar
Paul Pogba gæti spilað með Juventus á þessari leiktíð.
Paul Pogba gæti spilað með Juventus á þessari leiktíð. Giuseppe Maffia/Getty Images

Fjögurra ára bann knattspyrnumannsins Paul Pogba hefur verið mildað niður í 18 mánuði eftir að Alþjóða íþróttadómstóllinn, CAS, tók það fyrir.

Eftir fyrsta leik tímabilsins 2023-24 hjá Juventus, liði Pogba, fannst dehydroepiandrosterone, DHEA, í kerfi hans. 

Í kjölfarið mátti Frakkinn ekki spila meðan niðurstaða fékkst í mál hans. Fyrr á þessu ári var leikmaðurinn svo dæmdur í fjögurra ára bann frá knattspyrnu og því hefði hann ekki mátt spila að nýju fyrr en árið 2027.

Nú hefur CAS hins vegar stigið inn í og mun Pogba geta byrjað að spila í mars á næsta ári eftir að hafa setið 18 mánaða bannið af sér.

Í frétt Sky Sports segir að fjögurra ára bönn geti veri milduð geti íþróttamaðurinn sannað að hann hafi ekki viljandi tekið ólögleg efni eða ef íþróttamaðurinn aðstoði við rannsóknina á einn eða annan hátt.

Pogba er samningsbundinn Juventus til sumarsins 2026.

Fótbolti Ítalski boltinn

Tengdar fréttir

Diarra fagnar: Reglur FIFA stangast á við lög ESB

Evrópudómstólinn hefur komist að þeirri niðurstöðu að sumar af reglum FIFA, alþjóða knattspyrnusambandsins, stangist á við lög Evrópusambandsins varðandi frelsi til flutninga.

Mest lesið


Fleiri fréttir

Sjá meira


×

Mest lesið