Viktor aftur heim í Stjörnuna

Viktor er uppalinn Stjörnumaður en þetta kemur fram í tilkynningu frá Stjörnunni.

Þar segir að Viktor sé einn af efnilegri leikmönnum landsins.

„Og lék stórt hlutverk með U18 landsliði Íslands síðasta sumar. Við erum spennt að sjá hann aftur í bláu treyjunni, þar sem hans hæfileikar og metnaður munu styrkja liðið enn frekar.“

Stjörnumenn hafa styrkt sig mikið fyrir komandi átök í Bónusdeild karla en liðið missti af sæti í úrslitakeppninni á síðasta tímabili. Baldur Þór Ragnarsson er tekinn við liðinu og hafa þeir fengið liðstyrk í þeim Hilmari Smára Henningssyni og Orra Gunnarssyni.

Tímabilið hefst formlega á laugardagskvöldið þegar Valur og Keflavík mætast í Meistara-meistara leiknum árlega. Upphitunarþáttur Bónus-Körfuboltakvölds verður síðan strax á eftir á Stöð 2 Sport.