Innlent

Björgunar­skip kom fjórum til bjargar

Tómas Arnar Þorláksson skrifar
Hafbjörg með fiskibát í togi. Mynd úr safni.
Hafbjörg með fiskibát í togi. Mynd úr safni. Landsbjörg.

Björgunarskipið Hafbjörg var kallað út um klukkan eitt í dag vegna vélarvana báts 17 mílum norðaustur af Neskaupstað. Báturinn er nú kominn í tog og siglir Hafbjörg með skipverjanna fjóra sem voru um borð í átt að landi.

Þetta staðfestir Jón Þór Víglundsson, upplýsingafulltrúi Landsbjargar, í samtali við Vísi. 

„Það var engin hætta á ferð. Það var bilun í gír. Vélin er í fínu lagi en hún snýr ekki skrúfunni. Ég hef ekki upplýsingar um hvernig þetta gerðist.“

Fréttatilkynning frá Slysavarnafélaginu Landsbjörg sem send var á fjölmiðla um klukkan 16:

Rétt um klukkan eitt í dag var áhöfnin á björgunarskipinu Hafbjörg í Neskaupstað kölluð út vegna fiskibáts í vandræðum um 17 sjómílur norðaustur af Neskaupstað.

Gír bátsins hafði bilað með þeim afleiðingum að það gat ekki siglt fyrir eigin vélarafli.

Nú rétt upp úr 15:30 var komin taug á milli skipanna og er nú stefnan tekin inn á Neskaupstað.

Fjórir eru um borð í fiskibátnum og engin hætta er á ferðum.

Björgunarsveitir Fjarðabyggð Sjávarútvegur

Mest lesið


Fleiri fréttir

Sjá meira


×

Mest lesið