Loka veginum til morguns vegna snjóflóðs

Þetta kemur fram í tilkynningu frá Vegagerðinni rétt fyrir hádegi. Lokað er fyrir umferð um Siglufjarðarveg.

„Það féll snjóflóð á veginn áðan og lokaði honum. Vegagerðin lokaði í kjölfarið veginum,“ segir Magni Hreinn Jónsson, ofanflóðasérfræðingur hjá Veðurstofu Íslands.

Hann segir að það sé leiðindaveður á svæðinu, mikill vindur og skafrenningur. Veðurstofunni hafi ekki borist fleiri ábendingar um snjóflóð.

„Samkvæmt ráðleggingum frá snjóflóðaeftirlitinu var tekin ákvörðun um að loka og moka ekki. Vegurinn verður lokaður fram á morgundag,“ segir vaktstjóri hjá Vegagerðinni.

Snjóflóðið, sem var talið nokkuð stórt, féll rétt við Siglufjarðarmegin við Strákagöng.

Fréttin hefur verið uppfærð.