Máli séra Gunnars lokið með starfslokagreiðslu

Mbl.is greindi fyrst frá. Gunnar tók til starfa sem sóknarprestur í Digranes og Hjallaprestakalli árið 1995. Í september 2022 var upplýst að teymi þjóðkirkjunnar hefði lokið störfum er varðaði mál sóknarprests. Í tilkynningu sem birt var á vef kirkjunnar sagði að sóknarpresturinn hefði í tíu tilvikum orðið uppvís að háttsemi sem stríddi gegn 3. gr. EKKO rg. (sem stend­ur fyr­ir einelti, kyn­bundna áreitni, kyn­ferðis­lega áreitni, of­beldi) auk þess sem teymið met­ur hátt­semi sókn­ar­prest­ins í orði og at­höfn­um, eins og henni hef­ur verið lýst, ósæmi­lega, óhæfi­lega og ósam­rýman­lega starfi hans sem sókn­ar­prests.

Í tveim­ur til­vik­um mat teymið hátt­semi sókn­ar­prests­ins svo að hann hefði orðið upp­vís að orðbund­inni kyn­ferðis­legri áreitni gagn­vart tveim­ur þolend­um. Í þrem­ur til­vik­um mat teymið að sókn­ar­prest­ur­inn hefði orðið upp­vís að orðbund­inni kyn­bund­inni áreitni gagn­vart tveim­ur ein­stak­ling­um.

Presturinn var ekki nafngreindur í fréttatilkynningunni en í ljós kom að um séra Gunnar var að ræða. Fram kom að hann hefði lokið störfum við prestakall sitt og fyrirhugað væri að veita honum skriflega áminningu.

Sex konur innan prestakallsins voru á bak við 48 tilvik sem voru tilkynnt og taldi teymi kirkjunnar Gunnar hafa orðið uppvísan að ósæmilegri háttsemi í tíu tilvikum. Sóknarnefndin stóð þó þétt við bak Gunnars.

Auður Björg Jónsdóttir, lögmaður Gunnars, segir aldrei hafa komið til þess að Gunnar fékk áminningu frá þjóðkirkjunni.

„Hann sendi inn bréf sem hafði að geyma hans andmæli. Svo var ekkert aðhafst,“ segir Auður. Hún segir engan venjulegan einstakling myndu telja háttsemi hans til kynferðislegrar áreitni.

„Ef þetta hefði verði kynferðisleg áreitni þá hefði verið gripið til aðgerða,“ segir Auður. Ekkert í hegðun séra Gunnars heyri undir almenn hegningarlög.

„Þessi mynd sem hefur verið máluð upp af honum gefur ekki rétta mynd af málsatvinu eða málinu í heild.“

Uppi varð fótur og fit í prestakallinu þar sem stuðningsmenn Gunnars vildu fá prestinn aftur til starfa. Vorið 2023 var tekist um að komast að í stjórn kirkjunnar þar sem stuðningsmenn Gunnars þurftu frá að hverfa.

Flækja komst í málið þegar í ljós kom að brottvikning Séra Agnesar M. Sigurðardóttur, fyrrverandi biskups Íslands, var ógild eftir að í ljós kom að hún hafði ekki umboð til stjórnsýslulegra athafna.

Fór svo að Gunnar höfðaði bótamál á hendur kirkjunni vegna brottvísunar. Auður Björg staðfestir að samkomulag hafi náðst um að málið félli niður og í framhaldinu hafi verið gert samkomulag í byrjun sumars. Hún segist ánægð með niðurstöðuna fyrir hönd skjólstæðings síns.

„Ég er mjög sátt við þessa niðurstöðu. Annars hefði ekki verið gert samkomulag.“

Heimir Hannesson, sam­skipta­stjóri Bisk­ups­stofu, staðfestir að Gunnar sé ekki lengur starfsmaður þjóðkirkjunnar.