Besta upp­hitunin: Þetta var sjokk en þéttir hópinn

Þjálfarinn Axel Örn Sæmundsson og Úlfa Dís Kreye Úlfarsdóttir, leikmaður Stjörnunnar, kíktu í heimsókn.

Axel er 26 ára gamall þjálfari sem síðustu ár hefur þjálfað hjá Álftanesi og Stjörnunni, en hefur ákveðið að reyna fyrir sér í Danmörku, í spennandi starfi sem yfirþjálfari hjá FA2000.

Úlfa Dís skoraði hins vegar sigurmark Stjörnunnar gegn Keflavík í síðustu umferð, og tileinkaði það Kristjáni Guðmundssyni sem óvænt hætti sem þjálfari Stjörnuliðsins. Hún segist sjá á eftir Kristjáni:

„Já, liðið gerir það. Þetta var sjokk. Ekki eitthvað sem ég bjóst við að myndi gerast,“ sagði Úlfa Dís. Mist tók við boltanum:

„Maður sér miklar tilfinningar í þessu og að þetta var erfið ákvörðun fyrir hann að taka, og fyrir félagið. En það hlýtur þó að vera jákvætt við þessar breytingar að liðið byrjar á að taka sigur,“ sagði Mist og Úlfa Dís bætti við:

„Þetta þéttir hópinn, myndi ég segja. Við höfum ákveðið að fókusa á liðsheildina.“

Upphitunarþáttinn má sjá í heild hér að neðan.