Bikar undir í gulri við­vörun

Gul viðvörun er í gildi á höfuðborgarsvæðinu vegna snjókomu og stendur yfir fram á kvöld.

Þrátt fyrir það fer úrslitaleikurinn fram en Víkingur tilkynnti um það á samfélagsmiðlum félagsins. Leik kvennaliðs félagsins við Breiðablik í Kópavogi sem átti að fara fram í kvöld var aftur á móti frestað vegna veðurs.

Víkingur verður án sterkra leikmanna í kvöld en þeir Gylfi Þór Sigurðsson, Helgi Guðjónsson, Daníel Hafsteinsson og Óskar Borgþórsson verða allir í eldlínunni með íslenska landsliðinu í Mexíkó.

Þróttur getur unnið sinn fyrsta bikar frá árinu 2002 en þá varð liðið Reykjavíkurmeistari.

Leikur liðanna hefst klukkan 19:00 í Víkinni.