Þrjú þúsund krónur fyrir ferð í parísarhjólið

Þetta kemur fram á vefsíðu rekstaraðilans Taylors Tivoli Iceland ehf sem er í eigu Breta að nafni Kane Isaac Taylor. Fyrirtækið hefur rekið tívolí hér á landi í nokkur skipti.

Opið er frá tólf á hádegi til 23 á kvöldin með fyrirvara um lokun vegna veðurskilyrða. Hjólið er 32 metra hátt, tekur að hámarki 144 í einu og býður því upp á nokkurt útsýni yfir miðborgina.

Miði fyrir einstakling kostar 3000 krónur og er miðað við þá sem eru hærri en 140 cm. Lágvaxnara fólk greiðir 2000 krónur fyrir miðann. Þá er hægt að fá afslátt af verðinu ef bókað er á netinu eða sem nemur 500 krónum á einstakling. Þá kostar tíu þúsund krónur fyrir fjögurra manna fjölskyldu á staðnum en átta þúsund krónur ef keypt er á heimasíðunni.

Reykjavíkurborg fær tekjur fyrir lóðarskikann sem er leigður undir starfsemina og ber ekki kostnað af parísarhjólinu. 

Fréttin var uppfærð eftir ábendingar lesenda um verðmun á miðum við parísarhjólið og á netinu. Sá hafði farið með tvær sjö ára stelpur og greitt átta þúsund krónur fyrir.