Skemmdar­verk unnin á lög­reglu­bílum

Í tilkynningu frá lögreglunni segir að undanfarnar nætur hafi þessi skemmdarverk verið unnin á bílunum sem var lagt í bílastæði á milli verkefna, nánar tiltekið aftan við Brekkustíg 39 þar sem þjónustuver lögreglunnar er í Reykjanesbæ.

Fram kemur að hliðarrúður á þremur bílum hafi verið brotnar, en með tilkynningunni má sjá myndir af þessum brotnu rúðum.

„Ef einhver hefur upplýsingar um málið þá má hinn sami endilega vera í sambandi við okkur,“ segir í tilkynningunni.