Borgar 760 þúsund fyrir flísalögn sem átti að kosta þrjár milljónir Sólrún Dögg Jósefsdóttir skrifar 9. júní 2024 08:01 Sóknaraðilinn bar fyrir sig afrit af reikningum vegna sambærilegra verka og yfirlýsingu matsmanns, sem sagði 760 þúsund krónur hæfilegt verð á slíku verki. Getty Ófaglærðum verktaka sem rukkaði viðskiptavin sinn um þrjár milljónir fyrir flísalögn hefur verið gert að gjörlækka greiðslukröfu sína til viðskiptavinarins, niður í 760 þúsund krónur. Í úrskurði kærunefndar vöru- og þjónustukaupa kemur fram að fulltrúi á vegum viðskiptavinarins hafi óskað eftir þjónustu ófaglærðra starfsmanna varnaraðila við vinnu við lagningu flísa í baðherbergi og anddyri. Verktakinn hafi ekki viljað gera tilboð í verkið en lofað að tryggja sanngjarna og eðlilega verðlagningu á verkinu. Við verklok hafi hann aftur á móti send viðskiptavininum reikning upp á rúmlega þrjár milljónir. Sóknaraðilinn hafi gert athugasemdir við verðið og verktakinn sent leiðréttan reikning upp á 2,6 milljónir í kjölfarið. Þrátt fyrir það taldi viðskiptavinurinn greiðslukröfuna hærri en eðlilegt geti talist miðað við umfang verksins. Hann krafðist þess að verðið yrði lækkað niður í 760 krónur, og studdist við reikninga frá verktökum vegna sambærilegra verka og skriflega yfirlýsingu matsmanns. Sér til varnar vísaði verktakinn til þess að viðskiptavinurinn hefði, meðan verki stóð, óskað eftir því að verkinu yrði flýtt og í kjölfarið hafi verið fenginn auka starfsmaður frá varnaraðila í verkið og yfirvinna unnin. Varnaraðili hefði þó tekið út yfirvinnutaxtann og hluta af skráðum yfirvinnutímum í kjölfar andmæla sóknaraðila. Þá benti varnaraðili á að verkið hafi verið vandasamt og unnist hægt vegna ástæðna sem varða efni og gerð flísanna auk þess sem veggir hafi verið skakkir og ójafnir. Úrskurðarnefndin mat það svo að þær upplýsingar sem sóknaraðilinn aflaði um kostnað við flísalagnir í öðrum verkum auk yfirlýsingar matsmannsins, sem hefur lokið matstækni- og húsasmíðameistaranámi, væri fullnægjandi sönnun um þau atriði sem deilt var um. Í yfirlýsingunni kom fram að eðlilegt verð á hvern fermetra sé 19.000 krónur eða alls 760.000 krónur fyrir verkið. Nefndin féllst á það og úrskurðaði að verktakanum beri að lækka greiðslukröfu sína um rúmlega 1,8 milljón, úr 2,6 milljón krónum í 760 þúsund krónur. Neytendur Mest lesið Ferjuleiðir taka við rekstri ferjunnar Baldurs Viðskipti innlent „Það fyrsta sem ég segi er „Góða morgun““ Atvinnulíf Íslensk fyrirtæki geti endurheimt verulegar fjárhæðir Viðskipti innlent Birta lista yfir kaupendur: Á annað þúsund keypti fyrir tuttugu milljónir Viðskipti innlent Í hópi þeirra sem hlutu Viator Experience-verðlaunin Viðskipti innlent Þau keyptu fyrir tuttugu milljónir í útboðinu Viðskipti innlent Tvöfaldar tolla á innflutt stál og ál Viðskipti erlent Sektaðar fyrir að trassa með verðmerkingar á Selfossi Neytendur Heiður Björk tekur við eftir brotthvarf Gunnars Egils Viðskipti innlent Gervigreindin og vaxandi vítahringur nýútskrifaðra Atvinnulíf Fleiri fréttir Sektaðar fyrir að trassa með verðmerkingar á Selfossi ESB skammar Shein: Falskir afslættir og villandi upplýsingar Sorpa í Hafnarfirði opnar framvegis klukkan níu um helgar Landsbankinn og Arion lækka vexti „Sporttöppum“ aftur komið fyrir Sagði eldri menn vísvitandi borna röngum sökum en situr uppi með Svarta-Pétur Strætó hættir að taka á móti reiðufé í vögnum 1. júní Verð á innlendri dagvöru hækkar hraðar en verð á erlendri Varar við framtíðarreikningum í nafni barnsins Minnkuðu lúxuspinna en ekki eldflaugina Hefði fengið rúmum tíu þúsundkalli meira í vasann í bankaútibúi „Þetta eru bara krakkar sem eru í þessu fyrir peningana“ Innkalla kjúkling vegna gruns um salmonellu Sjá meira
Í úrskurði kærunefndar vöru- og þjónustukaupa kemur fram að fulltrúi á vegum viðskiptavinarins hafi óskað eftir þjónustu ófaglærðra starfsmanna varnaraðila við vinnu við lagningu flísa í baðherbergi og anddyri. Verktakinn hafi ekki viljað gera tilboð í verkið en lofað að tryggja sanngjarna og eðlilega verðlagningu á verkinu. Við verklok hafi hann aftur á móti send viðskiptavininum reikning upp á rúmlega þrjár milljónir. Sóknaraðilinn hafi gert athugasemdir við verðið og verktakinn sent leiðréttan reikning upp á 2,6 milljónir í kjölfarið. Þrátt fyrir það taldi viðskiptavinurinn greiðslukröfuna hærri en eðlilegt geti talist miðað við umfang verksins. Hann krafðist þess að verðið yrði lækkað niður í 760 krónur, og studdist við reikninga frá verktökum vegna sambærilegra verka og skriflega yfirlýsingu matsmanns. Sér til varnar vísaði verktakinn til þess að viðskiptavinurinn hefði, meðan verki stóð, óskað eftir því að verkinu yrði flýtt og í kjölfarið hafi verið fenginn auka starfsmaður frá varnaraðila í verkið og yfirvinna unnin. Varnaraðili hefði þó tekið út yfirvinnutaxtann og hluta af skráðum yfirvinnutímum í kjölfar andmæla sóknaraðila. Þá benti varnaraðili á að verkið hafi verið vandasamt og unnist hægt vegna ástæðna sem varða efni og gerð flísanna auk þess sem veggir hafi verið skakkir og ójafnir. Úrskurðarnefndin mat það svo að þær upplýsingar sem sóknaraðilinn aflaði um kostnað við flísalagnir í öðrum verkum auk yfirlýsingar matsmannsins, sem hefur lokið matstækni- og húsasmíðameistaranámi, væri fullnægjandi sönnun um þau atriði sem deilt var um. Í yfirlýsingunni kom fram að eðlilegt verð á hvern fermetra sé 19.000 krónur eða alls 760.000 krónur fyrir verkið. Nefndin féllst á það og úrskurðaði að verktakanum beri að lækka greiðslukröfu sína um rúmlega 1,8 milljón, úr 2,6 milljón krónum í 760 þúsund krónur.
Neytendur Mest lesið Ferjuleiðir taka við rekstri ferjunnar Baldurs Viðskipti innlent „Það fyrsta sem ég segi er „Góða morgun““ Atvinnulíf Íslensk fyrirtæki geti endurheimt verulegar fjárhæðir Viðskipti innlent Birta lista yfir kaupendur: Á annað þúsund keypti fyrir tuttugu milljónir Viðskipti innlent Í hópi þeirra sem hlutu Viator Experience-verðlaunin Viðskipti innlent Þau keyptu fyrir tuttugu milljónir í útboðinu Viðskipti innlent Tvöfaldar tolla á innflutt stál og ál Viðskipti erlent Sektaðar fyrir að trassa með verðmerkingar á Selfossi Neytendur Heiður Björk tekur við eftir brotthvarf Gunnars Egils Viðskipti innlent Gervigreindin og vaxandi vítahringur nýútskrifaðra Atvinnulíf Fleiri fréttir Sektaðar fyrir að trassa með verðmerkingar á Selfossi ESB skammar Shein: Falskir afslættir og villandi upplýsingar Sorpa í Hafnarfirði opnar framvegis klukkan níu um helgar Landsbankinn og Arion lækka vexti „Sporttöppum“ aftur komið fyrir Sagði eldri menn vísvitandi borna röngum sökum en situr uppi með Svarta-Pétur Strætó hættir að taka á móti reiðufé í vögnum 1. júní Verð á innlendri dagvöru hækkar hraðar en verð á erlendri Varar við framtíðarreikningum í nafni barnsins Minnkuðu lúxuspinna en ekki eldflaugina Hefði fengið rúmum tíu þúsundkalli meira í vasann í bankaútibúi „Þetta eru bara krakkar sem eru í þessu fyrir peningana“ Innkalla kjúkling vegna gruns um salmonellu Sjá meira