Glæsi­legar í­búðir með frá­bæru út­sýni

Nýja húsið stendur við Hestamýri 1 á Álftanesi en Hestamýri 2 og 3 verða afhentar sumarið 2025 og 2026.

Allar íbúðir innihalda vandaðar innréttingar og stein á borðum. Glæsilegt útsýni, stórar stofur, gólfhiti og aukin lofthæð einkenna íbúðirnar sem eru allar með gólfsíðum gluggum svo hægt sé að njóta fallegs útsýni til sjávar og fjalla og víðar. „Við ákváðum frá upphafi að ganga lengra en gengur og gerist í hönnun íbúðanna,“ segir Ásgeir J. Guðmundsson, húsasmíðarmeistari og byggingarstjóri hjá Flotgólfi ehf., sem er aðalverktaki framkvæmdanna.

„Miðrýmið fær t.d. óvenju gott pláss með stofu og borðstofu en það hefur vantað hingað til í ný fjölbýli. Hér er því gott pláss fyrir stórar fjölskyldur.“

Hér getur þú skoðað sýningaríbúð, íbúð 203 í Hestamýri 1, í 3D.

Þvottahús má einnig finna í öllum íbúðum sem breyting frá þróun síðustu tveggja áratuga. „Við höfum séð þá þróun að þvottavélar færast inn í baðherbergi en í Hestamýri er sér þvottahús í öllum íbúðum auk þess sem allar íbúðir utan tveggja eru með tvö baðherbergi sem er mikill lúxus.“

Stór bílageymsla fylgir fjölbýlinu og allar íbúðir eru með stæði eins og fyrr segir. „Auk þess hafa sextán íbúðir bílskúr sem er á bilinu 22-25 fermetrar og inn af sumum bílskúrum er sér geymsla en hjá öðrum er geymsla staðsett á geymslugangi. Fjórar lyftur eru í húsinu sem þýðir að sjö íbúðir eru með hverja lyftu fyrir sig sem er alls ekki mikið álag.“

Hverfið er hálfgerð sveit í borg að sögn Ásgeirs. „Afar fallegt útsýni er úr öllum íbúðum yfir Stór-Reykjavíkursvæðið þar sem m.a. má sjá Hallgrímskirkju, Perluna og Esjuna. Það verður ekki byggt þannig að það skyggi á þetta útsýni í framtíðinni. Svo er stutt í sjóinn, næsta golfvöll og þetta er frábært umhverfi fyrir börn til að alast upp í.“

Öllum íbúðum er skilað fullbúnum með innréttingum, tækjum og gólfefnum. Innréttingar koma frá Parka og heimilistæki eru frá Ormsson. Flísar í íbúðum eru hágæða ítalskar flísar frá Porcalenosa. Fallegt 12 mm harðparket frá Parka er á öllum íbúðum. Gólfhiti er í öllum íbúðarrýmum. Allar íbúðir eru með loftskiptikerfi sem tekur loft inn og út úr hverju rými. Þetta kerfi nýtir líka afgangsvarma frá útloftun til þess að hita kalt ferskt loft sem tekið er inn og með því getur orka sparast.

Þriggja metra lofthæð og Free-at-home kerfi er í íbúðum þriðju hæðar sem er efsta hæð hússins. Þaksvalir þeirra íbúða eru með heitum potti. Öllum íbúðum á þriðju hæð fylgir sér bílskúr í bílageymslu.

Sjá má grunnmyndir, skilalýsingu og ásett verð inn á Hestamýri.is.

Hægt er að bóka skoðun hjá söluaðilunum Guðlaugi J. Guðlaugssyni, í síma 661-6056 eða með tölvupósti á gulli@remax.is, og Gunnari Sverri, í síma 862-2001 og með tölvupósti á gunnar@remax.is, löggiltum fasteignasölum hjá RE/MAX fasteignasölu.