Toyota sýnir nýja bíla á laugar­daginn

Opið verður hjá Toyota í Kauptúni, Reykjanesbæ, á Selfossi og á Akureyri frá kl. 12 til 16. Þrjár spennandi nýjungar verða til sýnis.

Nýr Toyota RAV4 Plug-in Hybrid

Ný kynslóð RAV4 Hybrid var frumsýnd fyrr á árinu og nú er komið að Plug-in Hybrid-útgáfunni. Með því að hlaða bílinn er hægt að aka allt að 100 km á rafmagni einu saman áður en Hybrid-vélin tekur við. RAV4 fæst bæði með framhjóladrifi og fjórhjóladrifi og í fjölbreyttum útfærslum.

Nýr Toyota Hilux

Ný kynslóð Hilux var einnig kynnt á þessu ári. Hilux fæst nú í fyrsta sinn sem rafmagnsbíll og býður jafnframt upp á sömu torfærugetu og sá dísilknúni sem hefur notið mikilla vinsælda í gegnum tíðina. Dísilútgáfan verður frumsýnd um helgina.

Nýr Toyota Yaris Cross

Að lokum verður nýr Yaris Cross til sýnis. Bíllinn hefur fengið afar góðar viðtökur hér á landi enda sameinar hann kosti borgarbíls og sportjeppa. Hann býður upp á góða veghæð, er þægilegur í daglegri notkun og fæst bæði með framhjóladrifi og fjórhjóladrifi.