Reykjavík Marketing sektað vegna fullyrðinga um vörur frá Lifewave Hólmfríður Gísladóttir skrifar 5. júní 2024 13:26 Vörurnar frá Lifewave voru sagðar geta læknað hin ýmsu vandamál og yngt fólk til muna. Lifewave Neytendastofa hefur sektað fyrirtækið Reykjavík Marketing fyrir ósannaðar fullyrðingar um vörur seldar undir merkinu Lifewave, að því er fram kemur á vefsíðu stofnunarinnar. Samkvæmt ákvörðun Neytendastofu rak Reykjavík Marketing ehf. vefsíðuna healthi.is, þar sem umræddar vörur voru auglýstar og seldar. Neytendastofa gerði athugasemdir við sautján fullyrðingar um vörurnar og benti einnig á að svo virtist sem allar upplýsingar vantaði um þjónustuveitanda. Fullyrt var á vefsíðunni að virkja mætti eigin stofnfrumur með notkun plástra frá Lifewave, að „4.000 gen“ myndu byrja að „endurstillast“ innan 24 klukkustunda og jafnvel þótt notandinn finndi ekki fyrir því myndu stofnfrumurnar endurnýja innri líffæri og vef. Um kremið Alavida sagði, svo dæmi sé tekið: „Alavida er bylting til að viðhalda unglegri og fallegri húð og nýtur algjörar sérstöðu því árangurinn kemur innan frá. Alavida eykur framleiðslu lífsnauðsynlegra peptíða og öflugustu andoxunarefna líkamans sem minnka verulega með aldrinum. Eykur Epithelamine sem heilaköngullinn framleiðir, eykur m.a. glútaþíón (afeitrari líkamans) og SOD (Sindurefna fangari líkamans), þar af leiðir bætir Alavida heilsuna almennt sem kemur vel fram á húðinni, styrkir ónæmiskerfið og dregur verulega úr öldrunareinkennum. 3ja mánaða reynslutími þ.e.a.s. 100% endurgreiðslutrygging (Áskrift / Preferred Customer).“ Lokuðu síðunni en brotið sagt alvarlegt Forsvarsmenn Reykjavík Marketing svöruðu fyrirspurn Neytendastofu um sannanir fyrir fullyrðingunum með því að senda stofnuninni fjölda skráa sem innihéldu þær rannsóknir sem Lifewave byggir fullyrðingar sínar á. Þá var áréttað að engin sala færi fram á síðunni heldur ætti hún sér stað beint af Lifewave. Neytendastofa ítrekaði hins vegar að það væri mat stofnunarinnar að sjónarmið um að healthi.is væri upplýsingavefur en ekki sölusíða gerðu það ekki að verkum að hún þyrfti ekki að uppfylla skilyrði laga um eftirlit með viðskiptaháttum og markaðssetningu. Þá þyrfti fyrirtækið að geta vísað beint á sannanir fyrir fullyrðingunum; þannig þyrfti að koma fram hvar og í hvaða rannsókn sannanir væri að finna fyrir hverri fullyrðingu fyrir sig. Reykjavík Marketing tilkynnti í kjölfarið að tekin hefði verið ákvörðun um að stöðva verkefnið og taka síðuna niður. Stofnunin ætti því ekki að gera ráð fyrir frekari svörum af hálfu þess. Neytendastofa komst að þeirri niðurstöðu að fullyrðingarnar um Lifewave-vörurnar veittu rangar upplýsingar um helstu einkenni varanna og að þær væru líklegar til að valda því að neytendur tækju ákvarðanir sem þeir hefðu annars ekki tekið. Þá væru þær líklegar til að raska verulega fjárhagslegri hegðun neytandans. Félagið hefði með fullyrðingum sínum haldið því ranglega fram að vörurnar gætu læknað sjúkleika eða röskun á líffærastarfsemi. Brot Reykjavík Marketing væri alvarlegt en að teknu tilliti til allra þátta, meðal annars þess að síðunni hefði verið lokað, væri hæfileg sekt 100 þúsund krónur. Neytendur Auglýsinga- og markaðsmál Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent Bankarnir verði að lækka vexti jafnhratt og þeir hækkuðu Viðskipti innlent „En það hefur líka margt fallegt komið út úr þessu“ Atvinnulíf Fleiri fréttir Vaxtalækkun hænuskref í rétta átt en ekki megi gleyma nýlegum hækkunum Þótti baðherbergið ógeðslegt og fór frá Íslandi Misbauð meðferð á hundunum og mátti hætta á námskeiði Brúðhjónin fóru í hart og fá nýja skál fyrir hrærivélina Stefnt á að koma upp 98 hleðslustöðvum í Kópavogi Gengu langt í að vinna að lausn þótt bíllinn væri ekki í ábyrgð Hafa rúmir opnunartímar áhrif á verðlag? Stöðva þurfi rányrkju bílastæðaeigenda Segir engar breytingar hafa verið gerðar á uppskrift SS pylsna Útlit fyrir frekari verðhækkanir á kaffimarkaði Þrjár verslanir í Múlunum sektaðar eftir rassíu Neytendastofu Þetta kostar skyndibiti á Íslandi Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Sjá meira
Samkvæmt ákvörðun Neytendastofu rak Reykjavík Marketing ehf. vefsíðuna healthi.is, þar sem umræddar vörur voru auglýstar og seldar. Neytendastofa gerði athugasemdir við sautján fullyrðingar um vörurnar og benti einnig á að svo virtist sem allar upplýsingar vantaði um þjónustuveitanda. Fullyrt var á vefsíðunni að virkja mætti eigin stofnfrumur með notkun plástra frá Lifewave, að „4.000 gen“ myndu byrja að „endurstillast“ innan 24 klukkustunda og jafnvel þótt notandinn finndi ekki fyrir því myndu stofnfrumurnar endurnýja innri líffæri og vef. Um kremið Alavida sagði, svo dæmi sé tekið: „Alavida er bylting til að viðhalda unglegri og fallegri húð og nýtur algjörar sérstöðu því árangurinn kemur innan frá. Alavida eykur framleiðslu lífsnauðsynlegra peptíða og öflugustu andoxunarefna líkamans sem minnka verulega með aldrinum. Eykur Epithelamine sem heilaköngullinn framleiðir, eykur m.a. glútaþíón (afeitrari líkamans) og SOD (Sindurefna fangari líkamans), þar af leiðir bætir Alavida heilsuna almennt sem kemur vel fram á húðinni, styrkir ónæmiskerfið og dregur verulega úr öldrunareinkennum. 3ja mánaða reynslutími þ.e.a.s. 100% endurgreiðslutrygging (Áskrift / Preferred Customer).“ Lokuðu síðunni en brotið sagt alvarlegt Forsvarsmenn Reykjavík Marketing svöruðu fyrirspurn Neytendastofu um sannanir fyrir fullyrðingunum með því að senda stofnuninni fjölda skráa sem innihéldu þær rannsóknir sem Lifewave byggir fullyrðingar sínar á. Þá var áréttað að engin sala færi fram á síðunni heldur ætti hún sér stað beint af Lifewave. Neytendastofa ítrekaði hins vegar að það væri mat stofnunarinnar að sjónarmið um að healthi.is væri upplýsingavefur en ekki sölusíða gerðu það ekki að verkum að hún þyrfti ekki að uppfylla skilyrði laga um eftirlit með viðskiptaháttum og markaðssetningu. Þá þyrfti fyrirtækið að geta vísað beint á sannanir fyrir fullyrðingunum; þannig þyrfti að koma fram hvar og í hvaða rannsókn sannanir væri að finna fyrir hverri fullyrðingu fyrir sig. Reykjavík Marketing tilkynnti í kjölfarið að tekin hefði verið ákvörðun um að stöðva verkefnið og taka síðuna niður. Stofnunin ætti því ekki að gera ráð fyrir frekari svörum af hálfu þess. Neytendastofa komst að þeirri niðurstöðu að fullyrðingarnar um Lifewave-vörurnar veittu rangar upplýsingar um helstu einkenni varanna og að þær væru líklegar til að valda því að neytendur tækju ákvarðanir sem þeir hefðu annars ekki tekið. Þá væru þær líklegar til að raska verulega fjárhagslegri hegðun neytandans. Félagið hefði með fullyrðingum sínum haldið því ranglega fram að vörurnar gætu læknað sjúkleika eða röskun á líffærastarfsemi. Brot Reykjavík Marketing væri alvarlegt en að teknu tilliti til allra þátta, meðal annars þess að síðunni hefði verið lokað, væri hæfileg sekt 100 þúsund krónur.
Neytendur Auglýsinga- og markaðsmál Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent Bankarnir verði að lækka vexti jafnhratt og þeir hækkuðu Viðskipti innlent „En það hefur líka margt fallegt komið út úr þessu“ Atvinnulíf Fleiri fréttir Vaxtalækkun hænuskref í rétta átt en ekki megi gleyma nýlegum hækkunum Þótti baðherbergið ógeðslegt og fór frá Íslandi Misbauð meðferð á hundunum og mátti hætta á námskeiði Brúðhjónin fóru í hart og fá nýja skál fyrir hrærivélina Stefnt á að koma upp 98 hleðslustöðvum í Kópavogi Gengu langt í að vinna að lausn þótt bíllinn væri ekki í ábyrgð Hafa rúmir opnunartímar áhrif á verðlag? Stöðva þurfi rányrkju bílastæðaeigenda Segir engar breytingar hafa verið gerðar á uppskrift SS pylsna Útlit fyrir frekari verðhækkanir á kaffimarkaði Þrjár verslanir í Múlunum sektaðar eftir rassíu Neytendastofu Þetta kostar skyndibiti á Íslandi Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Sjá meira