Innlent

Skúli skipaður hæsta­réttar­dómari

Árni Sæberg skrifar
Skúli Magnússon er nýjasti dómarinn við Hæstarétt Íslands.
Skúli Magnússon er nýjasti dómarinn við Hæstarétt Íslands. Vísir/Sigurjón

Skúli Magnússon, umboðsmaður Alþingis, hefur verið skipaður dómari við Hæstarétt. Hann tekur við af Ingveldi Einarsdóttur, varaforseta réttarins, sem lætur af störfum sökum aldurs í ágúst.

Þetta herma heimildir Vísis, en skipun hæstaréttardómara var á dagskrá ríkisstjórnarinnar á fundi hennar í morgun. 

Skúli var metinn hæfastur fjögurra umsækjenda um embætti hæstaréttardómara þann í maí. Embættið var auglýst til umsóknar þann 1. mars af dómsmálaráðuneytinu en skipunin er frá 1. ágúst næstkomandi.

Aðalsteinn E. Jónasson landsréttardómari, Eyvindur G. Gunnarsson prófessor við Lagadeild Háskóla Íslands og Ingibjörg Þorsteinsdóttir dómsstjóri við Héraðsdóm Reykjavíkur sóttu um embættið auk Skúla.

Dómnefnd um hæfni umsækjenda taldi Skúla standa fremstan umsækjenda og Aðalsteinn honum næstur að tilteknum matsþáttum sem lagðir voru til grundvallar, svo sem kennslu í lögfræði, störf í lögfræði, virkni í fræðistörfum, menntun, stjórnunarreynslu og dómarastörf.

Dómstólar Stjórnsýsla Ríkisstjórn Bjarna Benediktssonar Umboðsmaður Alþingis Vistaskipti

Tengdar fréttir

Ingveldur kveður Hæstarétt

Ingveldur Einarsdóttir hæstaréttardómari og varaforseti réttarins lætur af störfum sökum aldurs í ágúst. Staða dómara við réttinn verður auglýst.

Skúli metinn hæfastur í Hæstarétt

Skúli Magnússon umboðsmaður Alþingis og fyrrverandi héraðsdómari var metinn hæfastur af fjórum umsækjendum um embætti dómara við Hæstarétt. 

Mest lesið


Fleiri fréttir

Sjá meira


×

Mest lesið