Viðskipti innlent

Verð­bólgan tekur smá kipp upp á við

Samúel Karl Ólason skrifar
Reykjavík úr lofti.
Reykjavík úr lofti. Vísir/Vilhelm

Vísitala neysluverðs hækkaði um 0,2 prósentustig í maí. Hún stendur nú í 627,3 stigum og hefur hækkað um 6,2 prósent á undanförnum tólf mánuðum.

Þetta kemur fram á vef Hagstofu Íslands en þar segir einnig að vísitala neysluverðs án húsnæðis hafi hækkað um 4,2 prósent á undanförnu ári.

Hagstofan segir kostnað vegna búsetu í eigin húsnæði hafi aukist um 0,7 prósent.

Ársbreyting vísitölu neysluverðs náði hámarki í febrúar í fyrra og var hún þá 10,2 prósent.

Skýring Seðlabankans á hvað verðbólga er:

Verðbólga er skilgreind sem viðvarandi hækkun almenns verðlags og er mæld sem tólf mánaða breyting vísitölu neysluverðs. Sú vísitala mælir meðalverð á vörum og þjónustu sem heimili á Íslandi kaupa í hverjum mánuði. Verðbólga felur í sér að verðgildi og kaupmáttur peninga minnkar, þ.e.a.s. minna magn vöru og þjónustu fæst fyrir hverja krónu.

Efnahagsmál Verðlag Fjármál heimilisins Neytendur Íslenska krónan


Mest lesið


Fleiri fréttir

Sjá meira


×

Mest lesið